510 पटक पढिएको
बाजुरा- हिमाली गाउँपालिकामा पोषणयुक्त वडा र टोल कार्यान्वयन कार्यक्रम उद्घाटन समारोह सम्पन्न गरिएको छ।
कार्यक्रम उद्घाटन हिमाली गाउँपालिका अध्यक्ष गोबिन्द बहादुर मल्लले ब्यानर पढेर गर्नु भएको छ। हिमाली गाउँपालिकाको आयोजनामा कार्यक्रम सञ्चालन गरिएको छ। उक्त कार्यक्रम सभा अध्यक्षतामा हिमाली गाउँपालिका अध्यक्ष गोबिन्द बहादुर मल्ल रहनु भएको छ। हिमाली गाउँपालिका निमित्त प्रमुख प्रशासकीय अधिकृत राज बहादुर भण्डारी, वडा अध्यक्षहरु वडा सदस्यहरु शाखा प्रमुख कर्मचारी सुरक्षाकर्मी लगायत स्थानीय बासिन्दाको सहभागिता कार्यक्रम संचालन गरिएको हिमाली गाउँपालिका पोषण अधिकृत भावना गिरी बताउनु भएको छ।
हिमाली गाउँपालिका वडा नम्बर ७ को बाधु दुई वटा टोल ६ को बोल्डिक गाउँ दुई वटा वडाका चार टोलका स्थानीय महिला सहभागिता गराइ गाउँपालिकाको धुलाचौरमा पोषणयुक्त वडा/टोल कार्यान्वयन कार्यक्रम उद्घाटन समारोह गरिएको छ। कार्यक्रम सडक नाटक र देउडा सास्कृति प्रदर्शन विभिन्न खेल गराएर पोषण सम्बन्धि कार्यक्रम गरेर भव्य रूपमा गरिएको छ।
पालिकाको बाकी रहेकोे वडा र टोलमा कार्यक्रम निरन्तर रूपमा दिएर गरिने भएको छ। सबै ठाउँ स्थानीय नागरिक वडा हुदै टोलमा गएर पोषण मुक्त वडा बनाउने उदेश्य राखेर जनचेतनामूलक कार्यक्रम सुरु गरिएको छ। चैत महिना १२ गते शुक्रबार दिनमा धुलाचौर सुरु भएको छ। असार मसान्तसम्म पालिकाले पोषणयुक्त कार्यक्रम राखेको हुँदा यही मसान्त भित्र कार्यक्रम सफल बनाउने तरिकाले लागी परिरहेको हिमाली गाउँपालिका पोषण अधिकृत गिरी बताउनु भएको छ।
