बाजुरा–सन नेपाल लाईफ इन्स्योरेन्स बाजुरा उप–शाखाले मृत्यु दावि भुक्तानी वापत ८ लाख ८८ हजार ९ सय २७ को चेक हस्तान्तरण गरेको छ ।
विमित मेल्लेख गाउँपालिका वडा नं. २ निवासी केशर बहादुर बुढा, बुढीनन्दा नगरपालिका १० निवासी लालचन्द्र रोकाया र गौमुल गाउँपालिका २ निवासी रामबहादुर बोहराको निधनपछि मृत्यु दावी भुक्तानी गरिएको सन नेपाल लाईफ इन्स्योरेन्स कम्पनी लिमिटेड उप–शाखा बाजुरा प्रमुख हेमन्त नाथले जानकारी दिनुभयो ।

मृत्यु दावि भुक्तानी मृतक बुढाकी श्रीमती धनकला बुढा, रोकायाकी श्रीमती निर्मला कुमारी रोकाया र बोहराकी श्रीमती बेलुदेवि बोहरालाई उप(शाखा प्रमुख हेमन्त नाथले चेक हस्तान्तरण गर्नुभएको हो ।
चेक हस्तान्तरण गर्दै उप–शाखा प्रमुख नाथले भन्नुभयो “भनिन्छ नि जन्म पश्चात् मरण अवस्य हुन्छ, यो बिज्ञान संबत नियम नै हो । एउटा परिवारको जिम्मेवार सदस्य गुमाउनुको पिडा बेग्लै छ । तर मृत्यु पछिको परिवारको आर्थिक अवस्थालाई थोरै भए पनि सहजता ल्याउन सक्यो भने पनि ठूलो राहत हुन्छ, यसर्थ विमा गर्न जरुरी छ ।”
विमित केशर बुढाले १ लाख २८ हजारको विमा गराउनुभएको थियो । बार्षिक बिमाशुल्क रु ८ हजार ४ सय ८० रुपैयाँ ४ किस्ता भरेर जम्मा रकम रू ३३ हजार ९ सय २० रुपैयाँ जम्मा गर्नुभएको थियो । बनोस सहित रु १ लाख ४३ हजार ४ सय ७७ रुपैयाँ श्रीमती धनकला बुढालाई हस्तान्तरण गरिएको हो । विमित बुढाको एक बर्ष अघि भारतमा निधन भएको थियो ।

त्यस्तै विमित लालचन्द्र रोकायाले १ लाख ५० हजारको विमा गराउनुभएको थियो । बार्षिक बिमाशुल्क रु ९ हजार ९ सय ३७ रुपैयाँ ५ किस्ता भरेर जम्मा रकम ४९ हजार ६ सय ८५ जम्मा गर्नुभएको थियो । बनोस सहित रु ३ लाख २२ हजार ९ सय ५० रुपैयाँ श्रीमती निर्मला कुमारी रोकायालाई हस्तान्तरण गरिएको हो । विमित रोकायाका एक बर्ष अघि घाँस काट्ने क्रममा भिरबाट लडेर निधन भएको थियो ।

साथै विमित रामबहादुर बोहराले २ लाख विमा गराउनुभएको थियो । बार्षिक बिमाशुल्क रु १५ हजार ७ सय ३५ रुपैयाँ ४ किस्ता भरेर जम्मा रकम ६२ हजार ९ सय ४० जम्मा गर्नुभएको थियो । बनोस सहित रु ४ लाख २२ हजार ५ सय रुपैयाँ श्रीमती बेलुदेबि बोहरालाई हस्तान्तरण गरिएको हो । विमित बोहराको तीन महिना अघि भीरबाट लडेर निधन भएको थियो । उक्त कार्यक्रम सन नेपाल लाईफ ईन्स्योरेन्स कम्पनी लिमिटेड बाजुरा उप–शाको कार्यालयमा गरिएको थियोे ।