1,555 पटक पढिएको
बाजुरा- नेपाल कम्युनिस्ट पार्टी माओवादी केन्द्र जिल्ला समन्वय समिती बाजुराको तेस्रो बैठक सदरमुकाम मार्तडीमा बसेको छ। पार्टी कार्यालय पेरिसडांडामा संचालन भएको बैठकले पार्टी केन्द्रिय समिती बैठकको निर्णय बमोजिम यहि भाद्र १६ गते देखि जनता संग माओवादी विशेष अभियान संचालन गरिने जनाएको छ।
जनता संग माओवादी विशेष अभियान अन्तर्गत घरघरमा माओवादी जनजनमा माओवादी भन्ने मुल नारा सहित ३ महिने अभियान बाजुरामा पनि ससक्त रुपमा संचालन गर्ने निर्णय गरेको हो।
साउन १७ देखि २१ गते सम्म बसेको माओवादी केन्द्र केन्द्रिय समिती बैठकको निर्णय बमोजिम देशैभर एकसाथ संचालन हुने जनता संग माओवादी अभियानलाई सफल पार्न बसेको जिल्ला समन्वय समितिको बैठकले सो निर्णय गरेको माओवादी केन्द्र प्रदेस समिती सदस्य दिपक कुमार डिसिले बताए।
माओवादी केन्द्रलाई जनता संग जोड्ने र कार्यकर्तामा उर्जा सहितको रक्तसञ्चार सिर्जना गर्न पार्टी नेता जिल्ला स्थित सबै जनताको घरदैलोमा जाने र प्रचण्ड सरकारले पछिल्लो समयमा शुसासन र समृद्धिका पक्षमा गरेका ऐतिहासिक एवम् लोकप्रिय कार्य जनतालाई सुसूचित गर्ने तथा संगठन निर्माणलाई रफ्तारमा अगाडि बढाउने उदेश्यले जनता संग माओवादी विशेष अभियान संचालन गर्न लागिएको प्रदेश समितिका सचिवालय सदस्य महेश शाहिले जानकारी दिए।
जिल्ला समन्वय समितिका संयोजक देबिचन्द्र बुढा दिपकको अध्यक्षतामा बसेको बैठकमा केन्द्रिय सदस्य तथा बाजुरा जिल्ला इन्चार्ज देबकी मल्ल प्रमुख अतिथी रहनु भएको थियो भने ।केन्द्रिय सदस्य तिलक परियार ,लक्ष्मण खड्का सुदुरपश्चिम प्रदेश समितीका उपाध्यक्ष हुकुम साउंद,कोषाध्यक्ष कमल कुमारी शाह प्रदेश समितिका सदस्यहरू अतिथिका रुपमा बैठकमा उपस्थित थिए।
जिल्ला समन्वय समितिका सचीव रमेस विश्वकर्माले संचालन गरेको बैठकमा शहिदहरु प्रती श्रद्धाञ्जली,केन्द्रिय तथा प्रदेश सर्कुलर बाचन,विभिन्न पालिका र जनसंगठन स्तरको रिपोर्टिङ,जनता संग माओवादी विशेष ३महिने अभियानको कार्ययोजना तथा बिस्तृत कार्ययोजना निर्माण लगायतका एजेन्डामा छलफल भएको थियो।बैठकमा बोल्दै नेताहरुले पार्टी पुनर्निर्माणका लागि स्वयम् नेतृत्व सच्चिनु पर्नेमा जोड दिएका छन्।पुरै देश अहिले माओवादीको एजेन्डामा चलिरहेकोले जनताको जिवनमा समृद्धि पनि माओवादिलेनै ल्याउने हुंदा निरास नहुन कार्यकर्तालाई आग्रह समेत गरिएको छ।भदौ १६ गते माओवादी केन्द्रका अध्यक्ष तथा प्रधानमन्त्री पुस्पकमल दाहाल प्रचण्डद्वारा भर्चुअल माध्यम बाट देशभर एकै साथ उद्घाटन गरिने जनता संग माओवादी विशेष अभियान बाजुरामा पनि ९ओटै स्थानिय पालिकालाइ ५ कमाण्डमा बिभाजन गरि पार्टीका योजना तथा संगठन सुदृढीकरण घरघर दैलोदैलोमा गएर गरिने माओवादी केन्द्र बाजुराले जनाएको छ।
प्रतिक्रिया
सम्बन्धित खवर
