419 पटक पढिएको
बाजुरा/ गौमुल गाउँपालिकाको केन्द्र घट्मुनामा तरकारी संकलन केन्द्र स्थापना गरिएको छ । गौमुल गाउँपालिका उपाध्यक्ष सीता थापाले . एक औपचारिक कार्यक्रमका बीच तरकारी संकलन तथा विक्री केन्द्रको उद्घाटन गर्नुभएको हो ।
गौमुल गाउँपालिकाको समन्वय तथा आई.एन.एफ नेपालको २ लाख र एच.आर.सी. बाजुराको ४७ हजार गरी २ लाख ४७ हजारको संयुत लगानीमा तरकारी संकलन तथा विक्री केन्द्रको स्थापना गरिएको हो ।सूर्योदय बहुउद्देश्यीय सहकारी संस्था लिमिटेडले तरकारी संकलन तथा विक्री केन्द्र निर्माण गरेर दैनिक संकलन तथा विक्री गर्ने गरी जिम्मेवारी लिएको अध्यक्ष श्याम बहादुर रोकायाले बताएका छन् । तरकारीको मुल्य निर्धारण गरेर सहकारी मार्फत नियमित बजारमा तरकारी पठाउने गरेको अध्यक्ष रोकायाको भनाई रहेको छ ।
तरकारी संकलन केन्द्र नहुँदा विगतमा तरकारी उत्पादनमा संलग्न किसानले सास्ती खेप्दै आएका थिए । संकलन केन्द्र स्थापनासँगै तरकारी बजारमा पु¥याएर बिक्री गर्न सहज हुनाका साथै सदरमुकाम मार्तडीसम्म तरकारी पु¥याउन सकिने विश्वास गरिएको छ ।बजार सहज भएपछि हर्षित यहाँका किसान तरकारी उत्पादनमा हौसिएका छन् । पालिकाभित्र रहेका अन्य बाँझो जमिन पनि सदुपयोग हुने जनाइएको छ ।
