45 पटक पढिएको
बाजुराः नेपाल पत्रकार महासंघ जिल्ला शाखा बाजुरामा लगाइएको ताला दुई हप्ता पछाडी खोलिएको छ । सदस्यता शुद्धिकरण,नविकरण, तथा सक्रिय पत्रकार लाई हटाएर गैर पत्रकारलाई महासंघको निर्वाचन मतदाता नामावलीमा समावेश गरीएको भन्दै प्रेस युनियनले केन्द्र,प्रदेश तथा जिल्लामा रहेका महासंघको जिल्ला शाखा कार्यालयमा तालाबन्दी गरेको थियो । प्रेस युनियन बाजुराले पनि सदस्यता शुद्धिकरण,कतिपय सक्रिय पत्रकारको नविकरण लगायत सक्रिय पत्रकाहरुलाई हटाएर कतिपय गैर पत्रकारहरुलाई मतदाता नामावलीमा समावेश गरी निर्वाचन गर्न खोजिएकोले आन्दोलित हुँदै महासंघको कार्यालयमा ताला लगाएको थियो । युनियनले कार्यालयमा तालासंग संगै धर्नाको कार्यक्रम समेत गरेको थियो ।
नेपाल पत्रकार महासंघ र नेपाल प्रेस युनियन बिच महासंघको निर्वाचनको लागी तयार मतदाता नामावलीमा प्रक्रियामा आएर पनि छुट्न गएका सक्रिय पत्रकाहरुको हकमा प्रेश युनियनले देखाएको चासो र मागलाई सम्बोधन गरीने गरी भएको सहमती अनुसार ताला खोलिएको प्रेस युनियन जिल्ला सचिव राम बहादुर वि.क.ले बताएका छन् । महासंघको सहमती अनुसार पत्रकार महासंघ जिल्ला शाखा बाजुराको कार्यालयमा लगाइएको ताला करिब दुई हप्ता पछाडी खोलिएको सचिव वि.क.ले बताएका छन् ।
सदस्यता शुद्धिकरणमा देखिएको असन्तुष्टि,युनियनले राखेको मागलाई महासंघले सम्बोधन गर्ने ,प्रदेश जिल्ला शाखा कार्यालयमा लागेको ताला खोल्ने र महासंघको हकहितका लागि आगामी दिनमा सवैसंग सहकार्य गरेर अगाडी बढ्ने,र प्रेस युनियनले आफ्ना सबै आन्दोलनका कार्यक्रम आजैकै मितिदेखि फिर्ता लिएको जस्ता निर्णय गरेर महासंघको केन्द्र,प्रदेश तथा जिल्ला शाखा कार्यालमा लगाइएको ताला खोलिएको हो । दुई बुँदे सहमतिमा युनियनले सरोकार जनाएका बिषयलाई सम्बोधन गर्दै महासंघले सम्बोधन गर्ने र युनियनले ताला खोल्ने र आन्दोलनका कार्य स्थगित गर्ने सहमति भएको युनियनका अध्यक्ष शिब लम्साल र महासंघका अध्यक्ष विपुल पोखरेल द्धारा हस्ताक्षरित विज्ञप्तिमा उल्लेख छ ।
पत्रकार महासंघ र असन्तुष्ट युनियनकर्मि पत्रकारहरुविच दुई बुदे सहमति भएपछि आईतबार जिल्ला शाखा कार्यालय बाजुरामा लगाइएको ताला जिल्लास्थित युनियनकर्मि पत्रकारहरुको उपस्थितमा खोलिएको र आन्दोलनका कार्यहरु पनि आजकै दिनबाट स्थगित गरीएको सचिव राम बहादुर वि.क.ले बताएका छन् । महासंघ कार्यालयमा लागेको ताला खुलेसँगै महासंघको निर्वाचन हुने बाटो खुलेको छ ।
