920 पटक पढिएको
बाजुरा: गत शुक्रबार बाजुरा जिल्लाको मुख्य व्यापारिक केन्द्र बुढिगंगा नगरपालिका वडा नं. ६ बाम्मा बजारमा भएको आगलागी पिडितका लागि त्रिवेणी नगरपालिकाले रु १० लाख सहयोग गर्ने भएको छ । त्रिवेणी नगरपालिका कार्यपालिकाको शनिबार बसेको बैठकले सो निर्णय गरेको हो ।
जेष्ट २३ गते बाम्कामा रहेको नवदुर्गा होटलबाट ग्यासको सिलिण्डर पड्किएर आगलागी हुदा ४० पसल जलेर पुर्ण रुपमा क्षती भएको अनुमान गरिएको छ।
शुक्रबार भीषण आगलागीबाट तहसनहस बनेको बाम्का बजारका आगलागी पीडितहरुलागि राहत स्वरुप १० लाख सहयोग गरिएको निमित्त प्रमुख प्रशासकिय अधिकृत गणेश बहादुर साँउदले बताएका छन।
उनले आगलागीबाट पीडितहरुको राहत तथा पुनःस्थापनाका लागि अभियानमा लाग्न र सबैले आफ्नो क्षेत्रबाट सहयोग गर्न अपिल गरेका छन्। आगलागीबाट करोडौंको क्षती भएको जनाईएको छ। क्षतिको एकिन विवरण अझै आउन सकेको छैन् ।
