156 पटक पढिएको
सन्जिता धामी/बझाङ्ग– बिहिवार जिल्लाको केदारस्यूँ गाँउपालिका वडा नं ९ को झोता बजार र पौडिबजार अनुगमन गरिएको छ । अनुगमनको क्रममा ४४ वटा पसलबाट करिब ३० हजार बराबरको म्याद नाघेका सामान बरामद गरिएको हो । बरामद गरिएको सामानमा सबै भन्दा बढी मसला, चिउरा भुजा र सुजि भेटिएको छ ।
गाउँ पालिकाका उपाध्यक्ष तथा अनुगमन संयोजक निशा धामी र वडा नं. ९ का अध्यक्ष अहेन्द्र बहादुर शाहिको नेतृत्वमा अनुगमन गरिएको थियोे ।
अनुगमनमा जिल्ला प्रशासन प्रतिनिधि बल बहादुर महरा, घरेलु तथा साना उद्योग कार्यलय बाट दसरत जब्रेल, गाउँ पालिकाका अन्य कर्मचारी र अस्थायी प्रहरी पोस्ट झोताका असहि सेर बहादुर रावलको टोलि खटिएको थियो ।
व्यापारीहरुले ध्यान नदिएर सामानको म्याद नहेरी बिक्री गर्दा सेवाग्राहीलाई ठुलो असर परेको जिल्ला प्रशासन प्रतिनिधि बल बहादुर महराले बताए ।
अनुगमनको क्रममा दर्ता नभएका पसलहरु पनि भेटिएका छन् । दर्ता नभए पसलहरु यहि साउन अन्तिम सम्म दर्ता गरि सक्नु पर्ने, म्याद नाघेका सामानहरु भए फिर्ता गर्नु पर्ने र मनोमानित सामानको मुल्य बढाएर सेवा ग्राहिहरुलाई लुट्ने काम गरेमा कानुनि कार्वाही गरिने वडा नं ९ का अध्यक्ष अहेन्द्र शाहीले बताए ।
पछिल्लो अवस्थामा व्यापारीहरुले जथाभावी म्याद नाघेका सामानहरु बिक्री गर्दै आयकाले कोरोना महामारीको अवस्थामा यस्ता सामान बेच्न रोक लगाउने गाउँ पालिकाका उपाअध्यक्ष निशा धामीको भनाइ रहेको छ ।
