148 पटक पढिएको
बाजुरा– बाजुरामा कोरोना संक्रमितको संख्या १ सय ८ पुगेको छ । जिल्ला स्वास्थ्य कार्यालय बाजुराका अनुसार विश्वभरी महामारीका रूपमा फैलिरहेको कोरोना अर्थात कोभिड १९ संक्रमण हुनेको संख्या बुधकार दिउसो ३ः०० बजेसम्म १ सय ८ पुगेको बताइएको छ ।
मंगलबार दिउसो ३ः०० बजेदेखि बुधबार दिउसो ३ः०० बजेसम्म एन्टिजोन विधिबाट ५३ जनामा गरिएको परिक्षणमा ११ जनाको एन्टिजोन पोजेटिभ देखिएको जिल्ला स्वास्थ्य कार्यालयका निमित्त कार्यालय प्रमुख महेश चन्दले बताए । यो संगै बाजुरामा सक्रिय संक्रमितको संख्या १ सय ८ पुगेको हो ।
बुधबार संक्रमित हुनेमध्ये ८ जना बडिमालिका नगरपालिकाका, १ जना गौमुल, एक जना हिमाली र एकजना खप्तड छेडेदह गाउँपालिकाका रहेको बताइएको छ ।
कुल संक्रमित मध्ये अहिले ८३ जना होम आइशोलेशनमा र २३ जना जिल्ला अस्पतालको आइशोलेशन तथा स्थानीय तहले निर्माण गरेका आइशोलेसनमा रहेका छन् ।
बाजुरामा हालसम्म कोभिड अस्पताल ४ वटा,आइशोलेसन वेड ८४ वटा, आइशियु र भेन्टिलेटर २–२ वटा रहेका जिल्ला स्वास्थ्य कार्यालय बाजुराले जनाएको छ ।
यसैबिच बाजुरामा रहेका १ सय ८ संक्रमित मध्ये बुधबार १ जना संक्रमणमुक्त भएका छन् । भने बुधबार नै गौमुल गाउँपालिकाका–३ का एक महिलाको कारोनाका कारण ज्यान गएको जिल्ला अस्पताल बाजुराले जनाएको छ ।
