313 पटक पढिएको
बाजुरा–जिल्लाको बडिमालिका नगरपालिकामा नेपाल नगरपालिका संघको आयोजनामा स्थानिय तह खानेपानी सरसफाई तथा स्वच्छता क्षत्रगत सुशासन सदृढीकरण कार्यक्रम सम्वन्धि अभिमुखिकरण कार्यक्रम सम्पन्न भएको छ ।
सोमवार बडिमालिका नगरपालिकामा नगरप्रमुख पदम बडुवालको अध्यक्षतामा संचालन भएको कार्यक्रम नगपालिकाको सभाहलमा सम्पन्न भएको हो । पछिल्लो समयमा नेपाल नगरपालिका संघ कार्यक्रम देशभरका २५ वटा नगरपालिका र सुदुरपश्चिमका ५ वटा नगरपालिकामा लागु छ । बाजुराको बडिमालिका नगरपालिका र त्रिवेणी नगरपालिकामा लागु उक्त कार्यक्रमको प्रमुख उदेश्य स्थानिय तहको खानेपानी तथा सरसफाई स्वच्छता क्षत्रको शासन सदृढीकरण गर्ने र खानेपानी सरसफाई स्वच्छता सम्वन्धि एन निति नियम निर्देसनको सहजिकरणमा सहयोग गर्ने रहेको उक्त कार्यक्रमका म्यानेजर उमा संकर यादवले बताए ।
नेपाल नगरपालिका संघ कार्यक्रमको बारेमा जानकारी गराउनुका लागि पहिलो पटक अन्तरक्रिया कार्यक्रमको आयाजना गरिएको उहाँले बताउनुभयो । बडिमालिका नगरपालिकामा उनिसेफले काम गर्दै आइरहेको हुदा नेपाल नगरपालिका संघको पनि आवश्यकता महसुस गरी नगरपालिका संगको समोन्नयमा कार्यक्रम लागु गरिएको उहाँको भनाई रहेको छ । उक्त कार्यक्रम त्रिवेणी नगरपालिकामा पनि लागु छ । बैतडीको पुरचौली र दशरथचन्द्र नगरपालिका र अछामको कमल बजार नगरपालिकामा पनि उक्त कार्यक्रम लागु छ । अन्तरक्रिया कार्यक्रममा नगरपालिकाले खमनेपानी सरसफाई तथा स्वच्छता क्षत्रगत शुसासन सदृढीकरणका लागि के कस्ता योजनाहरु र कस्तो प्रकारको रणनिति तयार पारेको छ । र नगरपालिका भित्र खानेपानी र सरसफाईको बर्तमान अवस्था कस्तो छ । भन्ने बिषयमा खुला अन्तरक्रिया गरिएको थियो ।
कार्यक्रममा नगरपालिका भित्र बिगतका दिनको तुलनामा यो बिषयमा धेरै कुराहरु सुधार भइसकेको प्रतिक्रिया सहभागिहरुको रहेको थियो । यसका साथै नगरपालिकाका सवै ठाँउहरुमा खानेपानीको पहुच पुर्याउन र नगपालिकालाई सरसफाई मुक्त नगरपालिका बनाउन यस अघि के कस्ता प्रयासहरु भए र अव के प्रयासहरु गनुपर्ला भन्ने बिषयमा खुला अन्तरक्रिया गरिएको हो । ।कार्यक्रममा बोल्दै नगरप्रमुख पडम बडुवालले नगरपालिकाले खानेपानी सरसफाई तथा स्वच्छताका लागि सकस प्ररयास गर्दै आइरहेको बताउनु भयो । उहाँले नगरपालिकाले एक घर एक धाराको अवधारणालाई नै अगाडी सारेको बताउनु भएको थियो । उहाँका अनुसार नगरपालिकाका सवै वडाहरुमा एक घर एक धारा निमार्ण कार्यको थालनी गरिएको छ । नगरपालिका भित्तका ४८२ घर दुरी मध्यमा ८८ प्रतिसत खानेपानीको पहुचमा पुगिसकेका छन् । सरसफाई अनतरगत ८८ प्रतिसत सौचालयहरुको पनि निर्माण भइसकेको छ । नगरपालिकालाई सरसफाई मुक्त नगरपालिका वनाउने रणनिति अघि सारेको र नगरपालिकाले खानेपानी सरसफाई तथा स्वच्छता सम्वन्धि एन निति नियमहरु पनि बनाएको नगर प्रमुख बडुवालको भनाई रहेको छ ।
