375 पटक पढिएको
बाजुरा–साँफे मार्तडी सडक खण्ड अन्तरगतको बल्देमा अबरुद्ध सडक खण्ड पुनःनिर्माण अथवा बैकल्पिक सडक निमार्णका लागि आवश्यक बजेट बिनियोजन गर्न माग गर्दै बाजुरा कांग्रेस निकट सिर्ष नेताहरुले प्रधानमन्त्रीको कार्यालयलाई ज्ञापन पत्र मार्फत ध्यानाकर्षण गराएका छन् । मंगलवार नेपाली कांग्रेस बाजुराका पुर्व पार्टी सभापति एवम बरिष्ठ नेता कविराज पण्डित, पुर्व सम्बिधान सभा सदस्य मँहा नेपाली, महासमिति सदस्य पदम शाही, महासमिति सदस्य धनराज पण्डित, लगायत काठमान्डौँमा उपलव्ध नेता कार्यकर्ताहरुले सयुक्त रुपमा प्रधानमन्त्रीको कार्यालयलाई ध्यानाकर्षण गराउन ज्ञापन पत्र बुझाएको नेपाली कांग्रेस जिल्ला कार्य समिति बाजुराका कार्यालय सचिव टेक बहादुर रोकायाले जानकारी दिनु भएको छ ।
बिगत दुई बर्ष यता साँफे मार्तडी सडक खण्ड ठाँउ–ठाँउमा अवरुद्ध हुदै आएको छ ।बर्षेनी सडक खण्ड ठाँउ–ठाँउमा अवरुद्ध हुदै आएको हुदा जिल्ला बाासिहरुले सास्ति खेप्दै आइरहेका छन् । सडक खण्ड बर्षेनी छ महिना मात्र संचालन हुने गरेको छ । छ महिना मात्र सडक पुर्णरुपमा संचालन हुने भएपछी बाँकीका छ महिना जिल्ला सडरमुकाम बासिहरुले घन्टौ सम्मको पैदल यात्रा गरेर जिल्ला सदरमुकाम पुग्नुपर्ने, मासिहरु लगाएर सरसामान ढुवानी गनुपर्ने, ज्यानलाई मृत्युको दोसाँधमा राखेर आवत–जावत गनुपर्ने, अवस्था जिल्ला बासिहरुले झेल्दै आएका छन् ।छ महिना मात्र सडक संचालन हुने र जिल्ला सदरमुकाम सम्म मानिसहरु लगाएर सामान ढुवानी गनुपर्ने हुदा जिल्ला सदरमुकाम बासिहरुले महङ्गीको मार खेप्दै आइरहेका छन् । यसका साथै पटक–पटक सडक अवरुद्ध हुने भएकै कारण जिल्लामा खाद्य संकट हुनुका साथै समयमै औषधि पनि नपुग्दा औषधिको समेत अभाव जिल्ला बासिहरुलाई हुने गरेको छ । बर्षेनी जिल्ला बासिहरुले ठुलो सास्ति खेप्दै आइरहदा पनि सडक अवरुद्ध भएको लामो समय बितिसक्दा समेत पनि सरोकारवाला निकायहरु मौन बसेको र मुख दर्शक बनेको जिल्ला बासिहरुले दुखेसो पोख्दै आइरहेका छन् ।
बाजुरा बासिका समस्याहरुलाई सम्वोधन गर्ने कुनै पनि राजनिति दलको नेतृत्व गर्ने नेताहरुले गर्न सक्दैनन् भन्ने खालका गुनासाहरु जिल्ला बासिहरुको मुखारबिन्दुवाट सुन्ने गरिन्छ । सोही जिल्ला बासिहरुले भोग्दै आएको समस्याहरु तत्काल समाधान गर्न माग गर्दै नेपालि कांग्रेस निकट नेताहरुले प्रधानमन्त्रीको कार्यालयलाई ज्ञापन पत्र बुझाएको हो । नेताहरुले पटक–पटक सोही ठाँउमा लगानी गर्न त्यती उपयुक्त नहुने र उक्त सडक खण्डलाई नै दिगो बनाउन सोचे जतीसजिलो नभएको हुदा तत्काल मन्त्रीपरिसदबाट निर्णय गरि बाह्रबिस आटिचौर हदै भोनेरा बाट जिल्ला सदरमुकाम सम्मको बैकल्पिक सडक निर्माणका लागि आवश्यक बजेट तत्काल बिनियोजन गनुपर्ने माग राखेका छन् । तत्काल जिल्ला बासिहरुले भोग्दै आएको समस्या समाधानका लागि छिटो पहल चाल्नुपर्ने माग नेताहरुको रहेको छ । नेताहरुले स्वी सडक पुनः निर्माणलाई निरन्तरता दिनु भन्दा पनि बैकल्पिक सडक निर्माणका लागि आवश्यक पहल चालेकाे बताइएकाे छ । जिल्लाबासिहरुले पनि अव बैकल्पिक सडक निर्माण नै उक्तम बिकल्प रहेको धारणा राख्दै आएका छन् ।
