287 पटक पढिएको
बाजुरा-प्रमुख जिल्ला अधिकारी उपेन्द्र पौडेलले पत्रकारहरु संग परिच्यात्मक कार्यक्रम गर्नुभएको छ । प्रमुख जिल्ला अधिकारी पौडेल आज मात्र जिल्लामा पुग्नुभएको छ । आज पुगेकै दिन उहाँले जिल्ला स्थित पत्रकारहरु संग परिच्यात्मक कार्यक्रम गर्नुभएको हो । यस अघि प्रमुख जिल्ला अधिकारी गोपाल कुमार अधिकारी जिल्लामा कार्यरत हुनुहुन्थ्यो ।अधिकारीको जिल्लाबाट सरुवा भएर काठमाडौ गएपछि पौडेल बुटवलबाट बाजुरा आउनु भएको छ । पत्रकारहरु संग परिच्यात्मक कार्यक्रम गर्दै जिल्लामा शान्ति सुरक्षा र अमनचैन कायम गर्नका लागि कुनै कुरामा कसुर नराख्ने र जनताको मन जित्ने गरी काम गर्ने बताउनु भयो । साथै उहाँले जिल्लाको बिकास निर्माण ब्यवस्थापनमा पनि सहजीकरण गर्ने पनि बताउनु भएको हो। परिच्यात्मक कार्यक्रममा उहाँले पत्रकारहरु संग अन्तरक्रिया गर्दै जिल्लामा व्याप्त बिकृित र बिसंगतिका बारेमा समेत समिक्षा गर्नुभयो ।
साथै उहाले ती बिकृित र बिसंगतिहरुलाई केही कम गर्नका लागि पत्रकारहरुले पनि कलम चलाउनु पर्नेमा जोड दिएका हुन । पत्रकार राज्यको चौँथो अंग रहेको हुदा पत्रकारले सहि सूचना सत्य समाचार सम्प्रेषणमा विशेष ध्यान दिई स्वतन्त्र लेखनको अभ्यासलाई प्रथामिक्ता दिनुपर्नेमा जोड दिनुभयाे ।यदि स्वतन्त्र भएर सामाज रुपान्तरण र परिवर्तन समाजको बिकास र समाजमा घटेका वास्तविक घटनाहरु र समग्र राज्य संचालनको क्रममा भए गरेका कमि कमजोरीहरुको सहि विश्लेषण गरि सत्य सुचना जनता सामु पुर्याउन खोज्दा कसैले उत्थान गर्दै गर्दा कसैले दावाद धम्की आएमा त्यसमा आफू जिल्ला प्रशासनको तर्फबाट सहयोग गर्ने प्रतिबद्धता समेत व्यक्त गर्नुभएको छ ।
परिच्यात्मक कार्यक्रममा जिल्ला स्थित पत्रकारहरुले जिल्ला घट्ने घटनाहरूमा प्रशासनको ध्यान नगएको गुनासो समेत राखेका थिए । पत्रकारहरुले सवारी साधन चेकाजाच , भाडा दर निर्धारण, लगायत अन्य जिल्लामा घट्ने घटनाहरु र बिपद ब्यवस्थापनमा जिल्ला प्रशासन जिम्मेवार हुनुपर्ने माग राखेका हुन । यो संगै पछिल्लो समयमा देशभर फैलिरहेको कोरोनाको तेस्रो लहर अमिक्रोनको रोकथाम तथा नियन्त्रण गर्नका लागि जिल्ला प्रशासनले तत्कालै पहल चाल्न पनि अनुरोध गरेका छन् । पत्रकारहरुले गरेको अनुरोधको जवाफ दिदै प्रमुख जिल्ला अधिकारी पौडेलले यसको रोकथाम तथा नियन्त्रणका लागि के कसरी अगाडी बढ्न सकिन्छ भन्ने बिषयमा भोलि नै बठक बसेर छलफल हुने बताउनु भयो । परिच्यात्मक कार्यक्रम जिल्ला प्रशासन कार्यालयको प्रमुख जिल्ला अधिकारीको आफ्नै कार्यकक्षमा भएको थियो । उक्त परिचयात्मक कार्यक्रम जिल्ला स्थित सम्पुर्ण अनलाइन मिडिया तथा रेडियोमा कार्यरत पत्रकारहरुको उपस्तिथि रहेको थियो ।
