243 पटक पढिएको
बाजुरा– सरकारले बाजुरा जिल्लामा राष्ट्रिय भूमि आयोगको जिल्ला अध्यक्षमा नेपाली काँग्रेसका नेता जनक रोकायालाई नियुक्त गरेको छ । मन्त्रिपरिषद्को निर्णयअनुसार भूमि व्यवस्था, सहकारी तथा गरिबी निवारण मन्त्रालयले बाजुरा लगायत अन्य जिल्ला समितिका अध्यक्षहरूलाई नियुक्ति पत्र दिएको हो ।
आयोगले हाल २७ जिल्लामा भूमिहीन दलित र भूमिहीन सुकुम्बासीलाई जग्गा वितरण गर्ने प्रक्रिया अघि बढाएको छ । ती जिल्लाका ६८ स्थानीय तहमा जग्गा वितरण गर्ने प्रक्रिया नै अघि बढाइसकेको छ ।
बिहिबार नियुक्त भएका अध्यक्ष रोकाया नेपाली काँग्रेस बाजुरा प्रदेश निर्बाचन क्षेत्र ख का कोषाध्यक्ष गिफ्ट बाजुराका पुर्व अध्यक्ष समाज सेवामा काम गर्दै आएका थिए ।
अध्यक्षमा नियुक्त भएका रोकायले राष्ट्रिय भूमि आयोगका केन्द्रीय अध्यक्ष केशव निरौंलाबाट सफत लिनुभएको छ । आयोगको विज्ञ सदस्यमा पत्रकार निमेन्द्र शाही नियुक्त हुनुभएको छ । पत्रकार शाही हाल प्रेस सेन्टर नेपाल सुदूरपश्चिम प्रदेशको ईन्चार्ज समेत रहेका छन् ।
खप्तड मालिका न्यूजबाट सारभार
