राम बहादुर दानी- पछिल्लो समयमा सामाजिक अभियानमा लागेकी सामाजिक अभियान्ता तथा साहित्यकार रिता शाहीले जिल्ला कारागार बाजुरामा रहेका कैदीहरुलाई २०० पिस मास्क वितरण गरेकी छन । कोरोना भाइरसको दोश्रो चरणको लहर चलिरहदा बाजुरा जिल्लामा पनि दिन प्रतिदिन संक्रमितहरुकाे संख्या बढिरहेकोले अभियानता शाहीले जिल्लाका हरेक ठाँउमा मास्क,सेनिटाइजर लगायतका स्वास्थ्य सामाग्रीहरु वितरण गर्दै आएकी छन ।

जिल्ला कारागार बाजुरामा पनि ८ जना कैदीबन्दीहरुमा कोरोना संक्रमण पुष्टि भए पछि हाम्रो टिम नेपाल मार्फत स्वास्थ्य सामाग्री हस्तान्तरण गरेर गृह जिल्ला बाजुरामा बिभिन्न ठाँउमा हस्तान्तरण गरि रहेकी छन । नेपाल पत्रकार महासंघ बाजुराका अध्यक्ष छक्क मल्ल मार्फत उक्त मस्कहरु जिल्ला कारागारका प्रहरी सहायक निरिक्षक मान बहादुर बोगटीलाई हस्तान्तरण गरिएका हुन ।
देश नै कोरोना भाईरस (कोभिड–१९) ले आक्रान्त भएको बेला आफुले यस्तो अबस्थामा अस्पतालको सैयामा अक्सिजन नपाएर छटपटाइ रहेका बिरामी र स्वास्थ्य सुरक्षा सम्बन्धि सामानहरु सम्म प्रास्त गर्न नसक्ने बर्गहरुलाई स्वास्थ्य सामाग्री वितरण गरेको सामाजिक अभियान्ता शाहीले बताएकी छन । सेवा नै धर्म हो विसम परिस्थितिमा अफ्ट्यारोमा परेकालाई सहयोग गर्नु नै मानवताको धर्म हो भन्दै जिल्ला कारागारका प्रहरी सहायक निरिक्षक मान बहादुर बोगटीले मास्कहरु बुझ्दै सामाजिक अभियान्ता शाहीलाई धन्यबाद प्रकट गर्नु भयो । यसै क्रममा जिल्लामा रिपोर्टिङको क्रममा फन्टलाईनमा खट्ने पत्रकारहरुलाई पनि आफुले २०० पिस मास्क र केहि पिपि सेटहरु समेत उपलब्ध गराउने अभियानता शाहीले बताएकि छन ।

जिल्ला कारागारमा रहेका ५८ जना कैदीहरुका लागी माक्स हस्तान्तरण गर्दै नेपाल पत्रकार महासंघ बाजुराका अध्यक्ष छक्क मल्लले एकजना साहसी नारीले यस्तो बिषम परिस्थितिमा नागरिकको स्वास्थ्य सुरक्षामा अभियाँन चाल्नु महान कार्य भएकोले आगामी दिनहरुमा पनि यस्ता कामहरुलाई निरन्तरता दिनमा जोड दिन अभियान्ता शाहीलाई अनुरोध गरे ।