367 पटक पढिएको
बाजुरा — स्थानिय तह निर्वाचन २०७९ बैसाख ३० गतेको मिति नजिकीदै जाँदा जिल्ला निर्वाचन कार्यालय बाजुराले मतदान कसरी गर्ने भन्ने विषयमा मतदाता शिक्षा दिई रहेको छ । स्वतन्त्र मतहरु बदर नहुन भन्ने उद्देश्यले बुधबार मालिका नमुना उच्च माद्यामिक बिद्यालयमा मतदान गर्न अभ्यास गराइएको हो । आशन्न बैशाख ३० गते हुने स्थानीय तहको निर्वाचनमा बाजुरामा बदर मतको संख्या कम गर्न नमुना मतदान कार्यक्रम गरिएको छ ।
जिल्ला निर्वाचन कार्यालय बाजुराले मतदाता शिक्षा कार्यक्रम अन्तरगत बडीमालिका नगरपालिका ९ मा रहेको मालिका नमुना माविको मतदान केन्द्रमा नमुना मतदान कार्यक्रम गरेको हो । मतदानको समयमा मत बदर नहोस भन्ने उदेस्यका नमुना मतदान कार्यक्रम गरिएको निर्वाचन कार्यालय बाजुराले जनाएको छ ।
यस अघि ०७४ को स्थानीय तहको निर्वाचनमा ६४ हजार ९ सय ५० जना मतदाता रहेका थिए भने ४३९ प्रतिशत मत बदर भएको थियो । भने कुल मतदाता मध्ये खसेको मत ५२ हजार १ सय ३ मत थियो । मालिका नमुना माविको मतदान केन्द्रमा युवा युवतिलार्ई जम्मा गरेर नमुना मतदान गरिएको जिल्ला निर्वाचन कार्यालय बाजुराका जिल्ला निर्वाचन अधिकारी नवराज अवस्थीले बताएका छन् ।
स्थानीय तहको निर्वाचनमा सात छाप लगाउनु पर्ने भनेर सिकाइएको निर्वाचन अधिकारी अवस्थीले जानकारी बताएका छन् । बाजुरामा यस वर्ष हुने स्थानीय तहको निर्वाचनमा ८२ हजार ६ सय ९० जना मतदाता संख्या रहेको छ । जिल्लामा ९ वटा स्थानीय तह रहेका छन् जसमध्ये ४ नगरपालिका र ५ गाउँपालिका रहेका छन् ।
