377 पटक पढिएको
बाजुराः बैसाख ३० गते भएको स्थानिय तह निर्वाचन पश्चात बडीमालिका नगरपालिकाको मत परिणाम आँउने क्रम जारी रहेको छ । यसै क्रममा बडीमालिका नगरपालिका वडा नं. ८ मा नेकपा एमालेका चन्द्र थापा विजयी भएका छन । वडा नं. ८ मा खसेको कुल ११९९ मतमा एमालेको नगरप्रमुखका लागि ५८९ मत प्राप्त भएको छ भने उपमेयरमा ६५६ मत प्राप्त भएको छ । त्यस्तै नेपाली काँग्रेसको मेयर पदका लागि वडा नं. ८ बाट ५६२ मत प्राप्त भएको छ भने उपमेयरमा ४८८ मत प्राप्त भएको छ ।
वडा नं. ८ को अन्तिम मतपरिणमको नतिजा आए पछि नेकपा एमालेका तर्फबाट वडा अध्यक्षका उम्मेद्वार चन्द्र थापाले ५९६ मत ल्याएर विजयी भएका छन । नेपाली काँग्रेसका वडा अध्यक्षका उम्मेद्वार प्रकास रावलले ५४८ मत ल्याएर पराजित भएका छन । विजयी वडा अधयक्ष चन्द्र थापाले पराजित वडा अध्यक्ष प्रकास रावललाई ४८ मतले पराजित गरेको छ ।
हाल सम्म बडीमालिका नगरपालिकामा ६ वटा वडाहरु नेकपा एमालेले जित हात पारेको छ भने नेपाली काँग्रेसले वडा नं. १ र वडा नं. ४ मा मात्र जितेको छ । नगरपालिकाको वडा नं. ९ को मत मात्र गणना हुन वाकी रहेको छ वडीमालिका नगरपालिकाको पुरै अन्तिम नतिजा आज १ बजे भित्र नै आउने मुख्य निर्वाचन अधिकृत माधब प्रसाद घिमिरेले जानकारी दिनु भएको छ । बडीमालिका नगरपालिकामा मेयर, उप मेयर पनि जितको नजिकमा पुगेको छ ।
नगरपालिकाका ६ वटा वडाहरु नेकपा एमालेले जिति सकेको छ भने नेपाली काँग्रेसले २ वटा वडाहरु मात्र जितेको छ । वाँकी वडा नम्बर ९ पनि नेकपा एमालेको पकेट क्षेत्रका रुपमा चिनिदै आएकोले वडा नं. ९ पनि नेकपा एमालेले नै जित्ने सम्भावना रहेको छ । बडीमालिका नगरपालिकामा नेकपा एमालेले पुरै कब्जा जमाएको २०७९ सालको नतिजाले पुष्टि गरेको छ ।
