311 पटक पढिएको
बाजुराः बाजुराको खप्तड छेडेदह ३ टुनिसैनमा भुकम्पका कारण ५ घर भत्किएका छन् । आज दिउँसो गएको भुकम्पका कारण ५ घर भत्किएका हुन् । पाँच घर भत्किदा आँसिक रुपमा क्षती गरेको स्थानीय सुर्य बहादुर खड्काले जानकारी दिएका छन् ।
स्थानीय खड्का अनुसार स्थानीय बुद्ध खड्काको एक तले छानो, त्यसैगरी स्थानीय हर्क खड्का, पिरु खड्का, भिम खड्का, प्रकाश खड्काको घरहरु भत्किएको बताइएको छ । दिउँसोको समय भएकाले मानविय क्षती भने नभएको खड्काले बताएका छन् । अन्य दर्जन बढी घरहरु चर्किएर चिराचिरा भएको पनि उनले बताएका छन् । पाच घरहरु पुर्ण रुपमा नभत्किए पनि घरका केही भागहरु भत्किदा बस्न लायक नरहेको पनि खड्काको भनाई छ।
घर भत्किएका स्थानीयको घर भित्र भएका सामाग्रीहरु अन्यत्र सार्ने काम भइरहेको उनले बताएका छन् । यस्तै बाजुराका बिभिन्न पालिकाका बिभिन्न गाँउमा भुकम्पका कारण अधिकांश स्थानीयका घरहरु चर्किएको खबर आइरहेका छन् । यता जिल्ला प्रहरी कार्यालय बाजुराले धेरै ठाँउमा क्षती भएको खबर आएको भएपनि अहिले नै आधिकारिक जानकारी भने गराएकाके छैन ।
यता जिल्ला प्रशासन कार्यालयका अनुसार क्षेती भएका ठाँउहरुमा त्तकाल उद्धार टोली पठाउने तयारी भइरहेको जिल्ला प्रशासन कार्यालय श्रोतले बताएको छ । सबै ठाँउमा सुरक्षाकर्मी परिचालन गरिसकेको पनि प्रमुख जिल्ला अधिकारी भिमकान्त पौडेलले बताएका छन् । प्रहरीको टोलीलाई भने खटाइसकेको प्रजिअ पौडेलको भनाई छ।बाजुरा सहित सुदूरपश्चिमका पहाडी जिल्लामा भूकम्पको धक्का महसुस गरिएको छ । बझाङको तलकोट आसपास केन्द्रबिन्दु भएर ५ दशमलव३ रेक्टर स्केलको भूकम्प भएको भूकम्प मापन केन्द्र सुर्खेतले जनाएको छ ।
मंगलबार दिउँसो २ बजेर ४० मिनेटमा बझाङको तालकोट आसपास केन्द्रबिन्दु भएर ५ दशमलव ३ रेक्टर स्केलको भूकम्प गएको भूकम्प मापन केन्द्र सुर्खेतका प्राविधिक सहायक तीर्थराज दाहालले जानकारी दिएका छन ।त्यसै गरी ३ बजेर ६ मिनेटमा फेरी दोस्रो पटक सुदूरपश्चिम सहित भारतका केही भाग हल्लिने गरी भुकम्प आएको छ । दोस्रो पटकमा आएको भुकम्प ५।५ रेक्टर स्केलको भूकम्प गएको भूकम्प मापन गरिएको छ । भुकम्पको धक्काको महसुस तराइका जिल्लामा पनि गरिएको थियो ।उक्त भूकम्पको धक्का बाजुरासहित सुदूर पहाडमा धक्का महसुस गरिएको थियो । भुकम्पले गरेको क्षतिको विवरण भने आउन बाकी छ ।
