242 पटक पढिएको
बाजुराः जिल्लाको बुढीगंगा नगरपालिका–४ को वडा कार्यालयमा बुधबारदेखि वडाका युवाले लगाएको ताला दशै अगाडी वा दशैंपछि सडक मर्मत गर्ने सहमती भएपछि वडा कार्यालयमा लगाइएको ताला खोलिएको छ । वडाको बानेगाउँदेखि भुक्तोलीसम्मको सडक मर्मतका लागि पटकपटक वडालाई आग्रह गर्दा पनि वडा र नगरपालिकाले कुनै चासो नदेखाएको भन्दै वडा नम्बर ४ का युवाहरुले बुधबार वडामा ताला लगाएका थिए ।
शुक्रबार वडाध्यक्ष मीनबहादुर शाहले ताला लगाउने युवाहरुसंग छलफल गरेर वडाभित्रका ग्रामिण सडक मर्मत गर्ने प्रतिवद्धता जनाएकापछि ताला खोलिएको बुढीगंगा नगरपालिका–४ का युवा देवेन्द्र खातीले जानकारी दिएका छन् ।वडाअध्यक्षसंले शाहले नगर प्रमुख रामबहादुर बानियाँलाई फोन मार्फत दशैं अगाव वा पछि सडक मर्मत गर्न आग्रह गरेपछि सडक मर्मत तत्काल गर्ने आश्वासन दिएकाले वडामा लगाएको ताला खोलिएको वडाध्यक्ष मीनबहादुर शाहले बताएका छन् । वडामा पर्ने सडक दशै आउन लाग्दा पनि वडाले सडक मर्मतका लागि कुनै पहल नगरेको आरोपमा एक विज्ञप्ती निकाल्दै वडा नम्बर ४ साहुबाडाका युवाहरुले वडामा ताला लगाएका थिए ।
वडाको बानेगाउँदेखि साहुवाडा हुदै खप्तड छेडेदह जोड्ने सडक मर्मतका लागि पटक पटक वडाअध्यक्ष र नगरपालिकासंग आग्रह गर्दा पनि कुनै सुनुवाई नभएपछि वडामा ताला हुन् ।लगातारको अविरल वर्षाका कारण ग्रामिण सडक विग्रेका कारण नगरपालिकाको जेसिबीले बाटो मर्मत कार्यमा कुनै चासो नदेखाएपछि युवाहरु मिलेर ताला लगाएका थिए ।सडक खोल्ने माग सहित वडा कार्यालयमा ताला लगाएपछि तीन दिन देखि वडाको दैनिक कामकाज प्रभावित बनेको थियो ।शुक्रबार युवाहरुसंगको विग्रेको सडक मर्मत गर्ने सहमती भएर वडाको ताला खोलिएपछि आइतबारबाट वडाबाट प्रवाह हुने सेवा संचालन हुनेवडा सचिव श्यामबहादुर खत्रीले जानकारी दिएका छन् । आइतबारबाट वडाबाट दिइने नागरिकका सेवा नियमित रुपमा संचालन हुने वडा सचिव खत्रीले बताए ।
