246 पटक पढिएको
बाजुराः जिल्लाको स्वामीकार्तिक खापर गाउँपालिकामा प्रथम अध्यक्ष कप फुटबल प्रतियोगिता हुनेभएको छ। एकताबद्ध देश, खेलकुदको सन्देश, भन्ने मुलनाराका साथ गाउँपालिका द्रारा आयोजित प्रथम अध्यक्ष कप फुटबल प्रतियोगिता सञ्चालन हुनेभएको छ। स्वामीकार्तिक खापर गाउँपालिकाले एक सुचना जारी गर्दै आउदो कार्तिक ५ गते देखि प्रतियोगिता सञ्चालन हुने जनाएको छ ।गाउँपालिका भित्र रहेका खेलाडीहरु लाई यहि कार्तिक ५ गते भित्र आफ्नो टिम दर्ता गरिसक्न अनुरोध गरेको छ । टीम दर्ताका लागि डेट हप्ताको समय रहेको छ उक्त अबधिभित्र टिम दर्ता गराइसक्नु पर्ने छ । टिम दर्ता शुल्क ३ हजार रहेको छ । फुटबल प्रतियोगिता स्वामिकार्तिक माद्यामिक विद्यालयको प्राङ्गणमा सञ्चालन हुने भएको छ। प्रतियोगितामा प्रथम हुने टिमलाई ४० हजार, द्धितिय हुने टिमलाई २५ हजार सहित ट्रफि, मेडल र प्रमाणपत्र प्रदान गरीने बताइएको छ ।
साथै उत्कृष्ट खेलाडी, उत्कृष्ट गोलरक्षक, उत्कृष्ट डिफेण्डर, सर्वाधिक गोलरक्षक र उदयमान खेलाडीलाई ट्रफि र प्रमाण पत्रले सम्मान गरीने भएको छ । दशै, तिहारको अवसरमा पालिका भित्र रहेका खेलप्रमि तथा सुभचिन्तकको भेटघाटका लागि प्रतियोगिताको आयोजना गर्न लागिएको गाँउपालिकाले जनाएको छ । साथै पालिका भन्दा बाहिरको खेलाडीलाई खेल्न नदिने पनि बताइएको छ ।
