361 पटक पढिएको
बाजुरा= जिल्ला अस्पताल भवन निमार्णको काम अन्तिम चरणमा पुगेको छ । अस्पताल बाजुराको नँया भवन निमार्णको करिब ९५ प्रतिशत काम सकिएको बताइएको छ । ५० शैयाको अस्पतालको ९५ प्रतिशत निमार्णको काम सम्पन्न भएको अस्पताल बाजुराका अध्यक्ष मान बहादुर कार्कीले बताउनु भयो । ढिलोमा आगामी पुष मसान्त सम्म अस्पतालको काम पुरा गर्ने तयारी रहेको उहाँले बताउनु जानकारी दिनुभएको छ ।
अस्पतालको निर्माण कार्य सम्पन भएपछी बिरामीहरुलाई उपचार सेवा दिन सजिलो हुने अस्पताल बाजुराले जनाएको छ । ५० शैयाको अस्पताल संचालनमा आएपछि छिमेकी जिल्ला मुगु,हुम्ला लगायतका नागरिकले समेत सहजरुपमा स्वास्थ्य सेवा पाउने भएका छन् ।जिल्लामै विशेषज्ञ सेवा सहितको अस्पताल सचालनमा आएपछि आर्थिक अवस्था न्युन भएका नागरीकलाई विशेष राहत मिल्ने भएको छ । विगत देखीनै जिल्लामा भरपर्दो तथा सुविधायुक्त अस्पताल नहुँदा कयौले ज्यान समेत गुमाउनु परेको छ । समयमा उपचार सेवा पाउनको लागि हेलिकोप्टर च्याटर गर्नुपर्ने बाध्यतामा रहेका यस क्षेत्रका नागरिक अस्पताल सञ्चालनमा आउने भएपछि उत्साहित बनेका छन् । डाँफे लोहनी पिएस कन्ट्रक्सनले मिती २०७५ बैसाख ५ गते अस्पताल भवनको निर्माण कार्य ठेक्का सम्झौता गरी २०७५ पौष ९ गते बाट निर्माण कार्य शुरु गरीएको थियो ।
संघिय बजेटको सहरी बिकास मन्त्रालय अन्तरगतको बजेट रु २६ करोड ११ लाख ६१ हजार ३ सय ३९ रुपैया ११ पैशाको लागतमा भवन निर्माणको सम्झौता गरएिको थियो । अहिले जिल्ला अस्पताल बाजुराले पुरानो लगायत आदि निमार्ण भएको नँया भवनबाट सेवाग्राहीहरुलाई सेवा दिदै आईरहेको छ । भवन निमार्णको कार्य सम्पन्न भएपश्चात तत्काल नँया भवनबाट सेवा प्रवाह गरीने अस्पताल बाजुराका सुचना अधिकारी नृपराज गिरी जानकारी दिनुभएको छ ।
