599 पटक पढिएको
बाजुरा/ सामाजिक अभियान्ता,साहित्यकार, गायिका तथा महिला नेत्री रिता (शाही) ऋृतको समन्वय तथा सहकार्यमा बुढीगंगा नगरपालिका वडा.नं ४ स्थित महेन्द्र आधारभुत बिद्यालयका बिपन्नतथा जेहेन्दार बिद्यार्थीहरुलाई स्कुल ब्याग,टोपी,मोजा लगायत सामाग्रीहरु बितरण गरएिको छ । बिद्यालयमा रहेका करिब ४० जना भन्दा बढी बिपन्न तथा जेहेन्दार बिद्यार्थीहरुलाई स्कुल ब्याग,टोपी,मोजा लगायतका सामाग्रीहरु बितरण गरीएको सामाजिक अभियान्ता तथा साहित्यकार शाहीले बताएकी छन।
अमेरीका बस्दै आएकी समाजसेवी तथा साहित्यकार सरला क्रिष्टले आफ्नो बैवाहिक दिनको अवसरमा फजुल खर्च गर्नु भन्दा थोरै भएतापनि राहत स्वरुप बिद्यार्थीहरुलाई सामाग्री उपलब्ध गराउनुभएको शाहीले बताएकी छन । उक्त सहयोगमा लण्डन बस्दै आएका समाजसेवी लेक नाजङ तामाङ र सधै दिन दुखीहरुलाई सहयोग गर्दै आउनुभएकी समावजसेवी मुना राईले पनि सहयोृग गर्नुभएको अभियान्ता शाहीले बताउनुभएको छ ।आफ्नो बिशेष पहल सहकार्य तथा समन्वयमा उक्त सामाग्री हस्तातरण गरीएको उहाँले बताएकी छन। यो चिसोको समयमा कुनै पनि बालबालिकाले चिसोको पिडा खेप्नु नपरोस भन्ने उदेश्यका साथ टोपी र मोजा त्यस्तै बिद्यार्थीहरुको पढाईमा थप जागरुकता ल्याउनको लागी स्कुल ब्याग बितरण गरीएको उहाँले बताउनुभएको छ । थोरै भएतापनि सहयोग गर्ने ब्यक्तिप्रति शाहीले धन्यबाद प्रकट गर्नुभएको छ ।
मानव सेवा नै ठुलो धर्म हो भन्ने उदेश्यका साथ सधै अगाडी बढिरहने शाहीले बिभिन्न ठाँउबाट समन्वय तथा सहकार्य गरी हरेक ठाँउका बालबालीकाहरुलाई यस्तै सामाग्रीहरु उपलब्ध गराउदै आउनु भएको छ । वडामा संञ्चालित रहेको बिद्यालयका बिद्यार्थीहरुलाई सहयोग गरेको प्रति सहयोगी ब्यक्तिहरुलाई वडा. नम्बर. ४ का वडा अध्यक्ष मिन बहादुर शाहले धन्यबाद समेत दिएका छन । वडा अध्यक्ष मिन बहादुर शाहको अध्यक्षतामा संञ्चालन गरीएको कार्यक्रममा बिद्यालयका प्रधानाध्यापक,बिद्यालयका अन्य शिक्षक शिक्षिका, राजनितिक दलका प्रमुख एवम् प्रतिनिधि,गैरसरकारी कार्यालयका प्रमुख एवम् प्रतिनिधि,लगाएत स्थानियको बाक्लो उपस्थित रहेको थियो ।
