111 पटक पढिएको
बाजुरा/ सुदूरपश्चिम प्रदेशका भौतिक पुर्वाधार विकास मन्त्री प्रकाश देउवा भोलि बाजुरा आउने भएका छन् । प्रदेशका अति महत्वका दुई ठुला पुलको शिलान्यास गर्न बाजुरा आउन लागेको मन्त्रीको सचिवालयले जनाएको छ ।
सुदूरपश्चिम प्रदेशबाट निर्माण भएका भौतिक संरचनाको उद्घाटन र निर्माण लागि ठेका भएका आयोजनाको शिलान्यासका लागि मन्त्री देउवा बाजुरा आउन लागेका हुन् ।उनले त्रिवेणी नगरपालिका ८ र ४ जोड्ने मालागाडमा बन्नका लागि सम्झौता भएको पुल र बडीमालिका नगरपालिका २ मा पर्ने भौनेराको पुल निर्माणका लागि शिलान्यास गर्न बाजुरा आउन लागेको मन्त्रीको सचिवालयका नृपबहादुर सुनारले जानकारी दिएका छन् ।
उनले दिएको जानकारी अनुसार शुक्रबार विहान ११ बजे मालागाडको पुन निर्माणका लागि शिलान्यास गर्ने र दिउँसो २ बजे भौनेरा र ३ बजे जिल्लामा कार्यालय प्रमुखसंग भेटघाट ५ बजे बाजुराबाट अछाममा फिर्ता हुने कार्य तालिका रहेको सुनारले बताए । प्रत्येक वर्ष बाढीका कारण सवारी साधन नै ठप्प हुने गरेको मालागाड र भौनेरामा पक्की पुलको लागि ठेक्का भएर निर्माणको कार्य हुन लाग्ने भएपछि स्थानीय खुसी भएका छन् ।
प्रतिक्रिया
सम्बन्धित खवर
