317 पटक पढिएको
बाजुरा/ जिल्लाको खप्तड छेडेदह गाउँपालिका–७ लमगाउँमा शनिबार विहान एक पसलमा आगलागी हुँदा जलेर नष्ट भएको छ । सोही गाउँपालिकाका–७ बस्ने स्थानीय भीमबहादुर रावतको खुद्रा पसलमा विद्युतको तार सट हुन गई आगलागी भएको जिल्ला प्रहरी कार्यालय बाजुराले जनाएको छ ।
विद्युतको तार सट भएर आगलागी हुँदा पसल भित्र रहेका चामल,लत्ताकपडा,मदिरा,खुद्रा सामान इलेक्ट्रोनिक सामाग्री,भाडाकुँडा,रिचार्ज कार्ड,नगद जलेर नष्ट भएको प्रहरीले बताएको छ । पसलमा आगलागी भएर अन्दाजी पाँच लाख ९१ हजार बराबरको क्षती भएको जिल्ला प्रहरी कार्यालय बाजुराका प्रहरी नायव उपरिक्षक कविन्द्रसिं बोहराले जानकारी दिएका छन् ।
आगलागीबाट धनमाल जलेर नष्ट भएको हो । उक्त आगलागीबाट मानविय तथा चौपाया क्षती नभएको साथै आगलागी सम्बन्धमा प्रहरीले आवश्यक अनुसन्धान गरिरहेको प्रहरी नायव उपरिक्षक बोहराले बताएका छन ।
