331 पटक पढिएको
बल बहादुर बोहरा, बाजुराः जिल्ला स्तरीय १४ औ राष्टपति रनिंग शिल्ड प्रतियोगिता कोल्टीमा सोमबार अर्थात आजदेखि सुरु भएको छ ।कोल्टीमा रहेको जनप्रकाश माध्यामिक बिद्यालयको खेल मैदानमा सुर भएको उक्त प्रतियोगिताको उद्धघाटन प्रतिनिधि सभा सदस्य तथा नेपाली काँग्रेसका सहमहामन्त्रि ब्रदी प्रशाद पाण्डेले जिल्ला स्तरीय १४ औ राष्ट्रपति रनिङ प्रतियोगिताको पानसमा बत्ती बालेर उद्धघाटन गर्नुभएको हो । उक्त १४ औ जिल्ला स्तरीय राष्ट्रपति रनिङ शिल्ड प्रतियोगिता खेलकुद बिकाश समिति बाजुराको आयोजना त्यस्तै बुढीनन्दा नगरपालिकाको सहआयोजनामा सुरु गरीएको हो । “राष्ट्रका लागि खेलकुद,स्वास्थ्यका लागि खेलकुद” भन्ने मुल नाराका साथ १४ औं राष्ट्रपति रनिंग शिल्ड प्रतियोगिता आजबाट कोल्टीको जनप्रकाश माविको खेल मैदानमा सुरु गरीएको खेलकुद विकास समिति बाजुराले जनाएको छ ।
१४ औ जिल्ला स्तरीय रनिङ प्रतियोगितामा जिल्लाका ९ बटै स्थानिय तहका प्रतियोगि खेलाडी तथा खेल प्रशिक्षकहरुको सहभागिता रहेको खेलकुद बिकाश समिति बाजुराले जनाएको छ । १४ औ जिल्ला स्तरीय रनिङ प्रतियोगितामा खेलकुद बिकाश समितिले दिएको जानकारी अनुसार त्रिपलजम्प हाइजम्प,लमजम्प,सटपुट ज्याब्लिंग थ्रो, कबड्डी, भलिवल लगायतका खेल संचालन गरिने बताइएको छ ।जिल्ला खेलकुद विकास समिति बाजुराका अध्यक्ष राकेश थापाको अध्यक्षतामा संचालन भएको कार्यक्रममा प्रतिनिधी सभाका सदस्य बद्रीप्रसाद पाण्डे प्रमुख अतिथी रहेका छन् । कार्यक्रममा जिल्ला समन्वय समिति प्रमुख तुलसीराम रोकाया,उप प्रमुख लाछु सार्की विशिष्ट अतिथी रहेका छन् ।
१४ औ जिल्ला स्तरीय राष्ट्रपति रनिङ शिल्ड प्रतियोगितामा जिल्लाका ९ बटै स्थानिय तहका प्रमुख,उपप्रमुख,अध्यक्ष,उपाअध्यक्ष अतिथि रहेका थिए । उक्त राष्ट्रपति रनिङ शिल्ड प्रतियोगितामा
बिभिन्न राजनितिक दलका प्रमुख एवम्,प्रतिनिधि,सरकारी कार्यालयका प्रमुख एबम् प्रतिनिधि,गैरसरकारी कार्यालयका प्रमुख एवम् प्रतिनिधि, बिभिन्न वडाका वडा अध्यक्ष,वडा सदस्य, सुरक्षाकर्मी,जिल्ला स्थित बिभिन्न संञ्चार माध्यममा कार्यरत पत्रकारहरुको उपस्थि रहेको थियो । बुढीनन्दा नगरपालिकाका उप प्रमुख रामबहादुर बोहराले स्वागत मन्तव्य राख्नुभएको कार्यक्रमको संचालन बुढीनन्दा नगर खेलकुद विकास संयोजक महेश कार्कीले गरेका थिए ।
