832 पटक पढिएको
बाजुरा: जिल्लाकाे बडिमालिका नगरपालिका वडा. नम्बर ७ का वडा अध्यक्ष तथा बडिमालिका नगरपालिकाका नगर प्रबक्ता धर्मराज पाध्यायले आफ्नाे जन्मदिनकाे अबसरमा खाद्यान्न,न्यानाे कपडा तथा स्टेशनरी सामाग्री बितरण गरेका छन् । बडिमालिका नगरपालिका वडा. नम्बर ७ चुथि वडा कार्यलयमा आफ्नाे जन्मदिनकाे अवसरमा आज एक कार्यक्रमका बिच वडामा रहेका अभिभावक गुमाएका बिपन्न बालबालिका तथा दलित परिवारका ब्यक्तिलाई खाद्यान्न,न्यानाे कपडा,तथा शैक्षिक सामाग्री बितरण गरिएको अध्यक्ष पाध्यायले आफ्नाे सामाजिक संञ्जाल फेसबुक मार्फत जानकारी गराएका छन्।
साथै आफ्नाे जन्मदिनको अबसरमा बिभिन्न माध्यमबाट शुभकामना दिनु हुने आफन्तजन, परिवारजन, साथीभाई तथा सुभचिन्तकज्यूहरु संग बिनम्रताका साथ हार्दिक धन्यबाद समेत व्यक्त गर्दै सबैको जिवन सदैव खुसि रहोस भन्ने कामना समेत गरेका छन् । जन्मदिनकाे अबसरमा सानै भएता पनि सहयाेग स्वरुप खाद्यान्न,न्यानाे कपडा तथा स्टेशनरी बितरण गरिएको प्रती अध्यक्ष पाध्यायलाई धन्यबाद समेत दिएका छन्। जन्मदिनको अवसरमा मात्रै नभई अन्य हरेक समयमा पनि फेरि यस्तै कार्य गर्दै जान पनि उनिहरुले आग्रह गरेका छन् । साथै खाद्यान्न,स्टेसनरी,तथा न्यानाे कपडा पाउदा बालबालिका तथा अभिभावक खुसि भएका छन्।
अध्यक्ष पाध्यायले हरेक बर्ष आफ्नाे जन्मदिनको अवसरमा यस्तै उदाहरणीय काम गर्दै आएका छन्। जन्मदिनकाे अवसरमा वडामा रहेका बिपन्न बालबालिका,दलित समुदायका ब्यक्तिहरुलाई सानै भएता पनि सहयाेग गर्न पाउँदा आफू निकै खुसि भएको बताएका छन् । हरेक समयमा फेरी पनि आफुले वडा बासिहरुकाे हक हित तथा सुख दुखकाे बेला आफू सधैं लागि पर्ने बताएका छन् । जन्मदिनकाे अवसरमा अन्य फजुल खर्च गर्नु भन्दा असहाय दुखि पिडितहरुकाे लागि सानाे सहयाेग गर्दा उनिहरुलाई राहत मिल्ने हुदा आफुले उक्त खाद्यान्न तथा न्यानाे कपडा र शैक्षिक सामाग्री बितरण गरिएको बताएका छन् ।
मानिस भएर जन्मिसके पछि सबै भन्दा पहिला आफुले आफ्नाे दुख भन्दा पनि अरुकाे दुखमा साथ दिन सक्याे भने त्याे नै महानता रहेकाे समेत उनले बताएका छन् । वडामा रहेका बिपन्न घरपरिवारका ८ जना बालबालिका लाई जकेट, स्टेसनरी सामाग्रीमा कापी,कलम, स्केल पेन्सिल र कटर तथा अन्य दलित समुदायका ब्यक्तिहरुलाई खाद्यान्न सामाग्री स्वरुप चामल बितरण गरिएको अध्यक्ष पाध्यायले जानकारी दिनुभएको छ ।
