56 पटक पढिएको
बाजुराः जिल्लाको बडीमालिका नगरपालिका–९ चौराटामा निर्माण गरिएको सशस्त्र प्रहरी बल आश्रित गुल्म बाजुराको नवनिर्मित भवनको उद्घाटन गरिएको छ । सशस्त्र प्रहरी महानिरिक्षक राजु अर्यालले नवनिर्मित भवनको उद्घाटन गर्नुभएको हो । हिजो एक कार्यक्रमका बिच उक्त नवनिर्मित भवनको महानिरिक्षक अर्याल द्धारा उद्धाटन गरीएको सशस्त्र प्रहरी बल बाजुरा गुल्मका प्रहरी नायव उपरिक्षक शंकरदत्त तिवारीले बताउनुभएको छ ।
सशस्त्र प्रहरी बल नेपाल बाजुराको आफ्नै भौतिक संरचना निमार्ण गर्ने नीति अनुरुप १२ रोपनी ६ आना क्षेत्रफलमा भौतिक संरचना निमार्णको कार्य सम्पन्न गरी भवनको उद्धघाटन गरिएको तिवारीले बताउनुभएको छ । भवन उद्धघाटन कार्यक्रममा सशस्त्र प्रहरी बल नेपालका सशस्त्र प्रहरी महानिरीक्षक राजु अर्याल, गृह सचिव एकनारायण अर्याल, प्रहरी महानिरीक्षक बसन्त बहादुर कुवँर, प्रमुख जिल्ला अधिकारी भिमकान्त पौडेल, दुर्गा भन्जन गुल्मका गुल्मपति धर्मेन्द्रबहादुर सिंह,आश्रीत गुल्म बाजुराका प्रमुख शंकरदत्त तिवारी , नेपाल प्रहरी बाजुराका प्रमुख, पत्रकारहरुको लगायतको उपस्थित रहेको थियो ।
