लोकतन्त्र बिहानी न्युज,बाजुराः यु.के निवासी समाजसेवी पुष्पा राईको आर्थिक सहयोगमा जिल्लाको जगन्नाथ गाउँपालिका वडा नम्बर ६ कर्णाली प्रदेश संग सिमाना जोडिएको बिकट गाउँ कोट गोत्रि सरस्वती आधारभुत बिद्यालयका ८० जना विपन्न तथा जेहेन्दार विद्यार्थीलाइ स्कुल ब्याग र स्टेसनरी सामाग्री बितरण गरीएको छ । नेपाली काङ्ग्रेस कि नेतृ सामाजिक अभियान्ता रीता शाहिको अनुरोधमा यु.के निवासी पुष्पा राइले सहयोग गरेको सामाजिक अभियान्ता शाहीले बताउनु भएको छ ।

विपन्न तथा जेहेन्दार ८० जना विद्यार्थीलाइ स्कुल ब्याग र स्टेसनरी सामाग्री कापि कलम हस्तान्तरण गरिएको छ। विगत लामो समय देखि देशभरका विभिन्न जिल्लामा सहयोग गर्दै आउनु भएकि समाजसेवी राइले बाजुरामा पनि यो भन्दा पहिले पनि धेरै पटक विभिन्न क्षेत्रमा सहयोग गरिसक्नु भएको छ ।भने फेरी पनि सामाजसेवी राईले गोत्रिमा ८० जना बिद्यार्थी भाईबहिनीहरुलाई केहि सहयोग पुगोस् भन्ने उदेश्यका साथ स्कुल ब्याग र स्टेशनरी सामाग्री हस्तान्तरण गर्नुभएको छ ।

जिल्लाको एकदमै बिकट क्षेत्र जो कर्णाली प्रदेश संग सिमाना जोडिएको दुर्गम गाउँ गोत्रिका ८० जना बिद्यार्थीहरुलाई नेपाली काङ्ग्रेस कि नेतृ तथा सामाजिक अभियान्ता रीता शाहिले स्वयम् आर्फ त्यहाँ पुगेर हस्तान्तरण गर्नुभएको हो । तिन चार घण्टाको पैदय यात्रा गरेर बिद्यार्थीहरुलाई केहि सहजता मिलोस् भन्ने उदेश्यका साथ समाजसेवी पुष्पा राईको आथिक सहयोगमा आफुले बिद्यार्थी भाई बहिनीहरुलाई सामाग्री बितरण गरेको अभियान्ता शाहीले बताएकी छन् । टाढा स्कुल भएका कारण कतिपय बिद्यार्थीहरुले हातमै किताब बोकेर हिडेको देख्दा उनीहरुको त्यो समस्या समाधान गर्न आफुले समन्वय गरेर स्कुल ब्याग बितरण गरीएको शाहीले बताईन् ।

बिद्यालय ब्यबस्थापन समिति अध्यक्ष तिलक बिष्ट, बिद्यालयका अन्य शिक्षक,शिक्षिका,अभिभावक लगायतको उपस्थितमा उक्त सामाग्री बितरण गरीएको सामाजिक अभियान्ता रीता शाहीले जानकारी दिनुभएको छ । बिद्यालयका बालबालीकाहरुलाई सहयोग गरी दिएको प्रति बिद्यालय ब्यबस्थापन समिति अध्यक्ष,बिद्यालयका शिक्षक,शिक्षिका,अभिभावक लगायतले समाजसेवी पुष्पा राईलाई धन्यवाद दिएका छन् ।