बाजुराः  जिल्ला सदरमुकाम मार्तडीमा रहेको बडीमालिका नगरपालिकाले जलवायु परिवर्तन र वायु प्रदुषणलाई कम गर्नमा महत्वपूर्ण भूमिका खेल्ने आमा समूहहरुलाई सम्मान गरेको छ ।आज एक कार्यक्रमका बिच जलवायु परिवर्तन र वायु प्रदुषणलाई कम गर्नमा महत्वपूर्ण भूमिका खेल्ने आमा समुहरुलाई सम्मान गरेको हो । युनिसेफ नेपालको आर्थिक सहयोग तथा बडीमालिका नगरपालिकाको सहजीकरणमा एक कार्यक्रमका बीच सम्मान तथा पुरस्कार प्रदान गरिएको नगर उप–प्रमुख नन्दा कुमारी थापाले बताउनु भएको छ ।

बडीमालिका नगरपालिका ८ र ९ नम्बर वडाका ६ महिला समूहहरु सम्मानित भएका हुन् । त्यस्तै बडीमालिका नगरपालिका–३ रजालीमा रहेको चोयाकोट माध्यामिक विद्यालयलाई उत्कृष्ट वृक्षारोपण र संरक्षण गरेकोले सम्मान सहित पुरस्कार प्रदान गरिएको युनिसेफका प्राविधिक सहायक कृष्ण बहादुर चदाँराले बताएका छन् ।कार्यक्रममा उप–प्रमुख नन्दा कुमारी थापा, प्रमुख प्रशासकीय अधिकृत बम बहादुर केसी, वडा नम्बर ९ का वडा अध्यक्ष सूर्यकिरण विक, कार्यपालिका सदस्य तुलसी गिरी, रोजगार संयोजक प्रमिला थापा, जि.आई.जेट नवीकरणीय उर्जाका जिल्ला संयोजक बहादुर सिंह धामी लगायतको सहभागीता रहेको थियो ।