49 पटक पढिएको
बाजुराः जिल्लाको बुढीगंगा नगरपालिकाले एसईईको मौका परीक्षामा सहभागी हुने विद्यार्थीहरुका लागि निःशुल्क तयारी कक्षा सञ्चालन गर्ने भएको छ ।नगरपालिकाले एक सूचना जारी गर्दै सामुदायिक विद्यालयबाट एसईई मौका परीक्षामा सहभागी हुने विद्यार्थीका लागि अंग्रेजी, गणित र विज्ञान विषयमा निःशुल्क परीक्षा विशेष तयारी कक्षा सञ्चालन गर्ने नगरपालिकाले जनाएको छ ।
नगरपालिकाले बडीमालिका क्याम्पस फालासैन र त्रिशक्ती माध्यामिक विद्यालय बाह्रबिसमा तयारी कक्षा सञ्चालन गर्ने नगरपालिकाका प्रमुख प्रशाशकिय अधिकृत नरेन्द्र नाथले हस्ताक्षेरित गरेको सूचनामा भनिएको छ । ।नगरपालिकाले बिहान ७ बजेबाट कक्षा सञ्चालन गर्ने भएको छ ।नगरपालिकाले निशुल्क तयारी कक्षा सञ्चालन गर्ने भएकोले सहभागी परिक्षार्थी सबैलाई कक्षामा उपस्थितको लागी पालिकाले आग्रह गरेको छ । निशुल्क कक्षा सञ्चालन हुने हुँदा बिद्यार्थीहरु खुसी भएका छन् ।
