राम बहादुर दानी: नेपाल पत्रकार महासंघ बाजुराका अध्यक्ष छक्क मल्लले रिवन काटेर बुढीगंगा मिडिया हाउसको कार्यालय गृह प्रवेश गरेका छन । सदरमुकाम मार्तडीमा स्थापना गरेको बुढीगंगा मिडिया हाउसद्वारा संचालित मालिका टुडे अनलाईन पत्रिकाको अफिस आइतबार बिहाना एक कार्यक्रमका साथ रिवन काटेर गृह प्रवेश गरिएको हो ।

बिगत १ बर्षदेखी संचालनमा आएको अनलाईनको आफ्नै अफिस नभएर अब्यवस्थितरुपमा संचालन हुदै आएको थियो । उद्घाटनमा नेपाल पत्रकार महासंघ बाजुराका अध्यक्ष छक्क मल्ल, रेडियो बाजुराका स्टेशन मेनेजर कृष्ण ओली, नेपाल पत्रकार महासंघ बाजुराका पुर्व अध्यक्ष एबम् बडिमालिका अनलाइन खबरका प्रकाशक तथा प्रधान सम्पादन प्रकाश सिंह, नेपाल पत्रकार महासंघ बाजुराका वरिष्ट उपाध्यक्ष पदम सिंह, नेपाल प्रेस युनियन बाजुराका पुर्व सचिब एबम् लोकतन्त्र बिहानी न्युजका प्रकाशक राम बहादुर दानी, किनारा न्युज कायर्यकारी सम्पादक संगीता तिमिल्सेना बडीमालिका अनलाइन खबरका कार्यकारी संपादक लक्षमीराज उपाध्याय र लोकतन्त्र बिहानी मिडिया हाउसका सल्लाहकार जयराज पाध्याय लगायतका पत्रकारहरुको उपस्थिति रहेको थियो ।

उद्घाटन कार्यक्रममा कानून व्यबसायी तथा साहित्यकार हर्क खडायतको पनि उपस्थिति रहेको थियो । बुढीगंगा मिडिया हाउसका संचालक एबम् मालिका टुडेका प्रकाशक/सम्पादक प्रेम रौलेले आगामी दिनहरुमा मालिका टुडेलाई सबैले साथ र सहयोग दिनु हुने कुरामा बिस्वास दिलाउनु भयो गृह प्रवेश कार्यक्रममा बोल्दै नेपाल पत्रकार महासंघ बाजुराका अध्यक्ष मल्ले जिल्लामा स्थापना भएका सबै मिडियाहरुलाई समान ब्यबाहारले हेरिने बताउदै बुढीगंगा मिडिया हाउसद्वारा संचालित मालिका टुडेको उत्तरत्तोर प्रगतिको कामना ब्यक्त गरेका छन ।