दुर्गा पाध्याय (कोल्टी)– बिकासले जति फड्काे मारेता पनि बुढीनन्दा नगरपालिका वडा नंं ३ खुवाका जनजाति बस्तीका जनताहरु भने अहिले सम्म अध्यारो मै बस्न बाध्य भएका थिए । बिहिबार एक कार्यक्रमका साथ बुढीनन्दा नगरपालिकाको आर्थिक सहयोगमा सो गाँउ ३० घर परिवारलाई सोलार सेटहरु वितरण गरिएको छ । सिराडीमा रहेको बड्डीगाड जल बिद्युत आयोजनाबाट १४ किलोमिटरको दुरीमा रहेको हुँदाले सो गााउमा बत्ति पुग्न सकेको थिएन । वडा नंं. ३ का अन्य ठाँउमा भने बत्ति बल्ने अवस्थामा छन र बत्ति जडान कार्य सुरु भैरहेको छ । खुवा गाँउ अतिनै दुरीमा टाढा भएकोले तत्काल सो गाँउमा बत्तिको लाइन लिन नसक्ने अवस्था भएकोले नगरपालिकाले सोलार सेट वितरण गरेको हो ।

५५ वाट बिद्युत शक्ती उत्पादन गर्न सक्ने सोलार सेट स्थानियहरुलाई वितरण गरिएको हो । खुवा गाँउमा सबै जनजाति हरुको बस्ती रहेको छ । एक घरलाइ एक सेट सोलार गरी बितरण भएको थियो । बुढीनन्दा नगरपालिकाको करिव ३ लाख ६० हजार मुल्य बराबरका सोलार सेटहरु वितरण गरिएका छन ।

बुढीनन्दा नगरपालिकाका मेयर पदम कुमार गीरी, वडा नंं ३ का वडा अध्यक्ष राम बहादुर बोहरा, नगरपालिकाका कार्यकारी शेर बहादुर बुढा र नेपाल प्रेस युनियन जिल्ला साखा बाजुराकी सह–सचिव दुर्गा पाध्यायले सोलार सेटहरु वितरण गरिएको वडा नंं ३ का वडा अध्यक्ष राम बहादुर बोहराले जानकारी दिए ।