90 पटक पढिएको
बाजुरा/असोज, १५– नेपाली काँग्रेस निर्वाचन क्षेत्र प्रदेश (ख) को मतगणना स्थल बडीमालिका नगरपालिकाको कार्यालयमा रहेको हेडिङबाेर्ड र बुढीगँगा नगरपालिका बार्हविसकाे एम्बुलन्समा तोडफोड भएको छ । बिहिबार राती १२ बजे देखि मत गणना सुरु भए लगतै युवाहरुको एक जत्थाले एम्बुलेन्समा ढुङ्गा मुणा प्राहर गरी नगरपालिकाको एम्वुलेन्सको अगाडी सिसामा पुर्ण रुपमा क्षति पुर्याएका छन । मत गणना भैरहेको समयमा रोकाया र खाती पक्षका केही युवाहरु मतगणना स्थल बाहिर रहेका थिए ।
नेपाली काँग्रेस बाजुराको प्रदेश (ख) मा सभापतिको उम्मेद्वारका लागि सहमति हुन नसके पछि बिहिबार मतदान भएको थियो । बिहिबार नै मतदान सकेर राती मात्र मत गणना गर्ने निर्बाचन समितिले निर्णय गरेको थियो ।
जिल्ला समन्वय समितिमा मतदान सम्पन्न भएको थियो । बिद्युत आपुर्तिमा कमी आए पछि राती १२ बजे मात्र मत गणनाको कार्य सूरु भएको हो । बिद्युत आपुर्तिमा कमी भए पछि मतदान स्थलबाट मत गणनाका लागि बडीमालिका नगरपालिकाको हलमा राति मत गणना गर्ने भनी मतपेटीका सहित मतदान टोली र सुरक्षाकर्मीहरु नगरपालिका गएका थिए ।
सुरक्षाकर्मी मतगणना स्थलमा सुरक्षा दिइ रहेको समयमा नै नगरपालिकाको एम्वुलेन्स हेडिङबोर्डमा युबाहरुको एक जत्थाले बाहिरबाट ढुङ्गा प्राहार गरी एम्बुलेन्सकाे अगाडी सिसामा पुर्ण रुपमा क्षति पुर्याइएको छ भने नगरपालिकाको डिजिटल बोर्डमा समेत पुर्ण रुपमा क्षति पुर्याएको छ ।
मतगणना स्थलमा यसरी तोडफोड हुदा तपाई के हेरेर बसेको भनेर सुरक्षार्थमा खटिएका एक सुरक्षाकर्मीलाई सोध्दा आफुहरुलाई पनि प्राहार गर्न सक्ने सम्भावना भएकोले नगरपालिकाको घेरबाड भन्दा आफुहरु बाहिर नगएको बताएका छन । युवाहरुको जत्थाले यसरी तोडफोड गर्दा कस्ले गर्यो भन्ने कुराको भने एकिन भएको छैन, तर राती नै तोडफोडमा संलग्न नेपाली काँग्रेसका युवा विद्यार्थी नेता गोरख रौलेलाई भने राती नै जिल्ला प्रहरी कार्यालयमा लगिएको सुरक्षामा खटिएका एक सुरक्षाकर्मीले बताएका छन । मत गणना राती १२ बजेबाट सूरु भएर बिहान सम्म भने १५० मत मात्र गणना गरिएको निर्वाचन समिति स्रोतले जनाएको छ । यता जिल्ला प्रहरी कार्यालय बाजुराका डिएस पि मदनजित महरालाई यो बिषयमा के भएको हो कति जना समातिएका छन भनी सोध्दा केहि छैन त्यस्तो सामान्य हो भन्दै फोन काटेका छन ।
प्रतिक्रिया
सम्बन्धित खवर
