363 पटक पढिएको
बाजुरा – जिल्लाको बुढीनन्दा नगरपालिका(९ मा नेपाली काँग्रेसका उम्मेदवार मानबहादुर रावत विजयी भएका छन् ।
निर्वाचन अधिकृतको कार्यालय कोल्टीका अनुसार काँग्रेसका उम्मेदवार रावत सहित सिंगो काँग्रेसको प्यानल विजयी भएको जनाएको छ ।
काँग्रेसबाट उम्मेदवार बनेका रावतले ३३६ मत ल्याएर विजयी भएका हुन् । उनका निकटमत प्रतिद्धन्द्धी एकिकृत समाजवादीका खडक बहादुर बोहरा पराजित भएका छन् ।
रावत २०७४ को स्थानीय तहको निर्वाचनमा नेकपा एमालेका उम्मेदवारबाट पराजित भएका थिए ।
१० वटा वडा रहेको नगरपालिकामा ५ वडा नेकपा एमालेले जितेको छ । ३ वडा नेपाली काँग्रेसका प्यानल विजयी भएको छ ।
एमालेले वडा नम्बर १ मा मानबहादुर काकी,वडा नम्बर २ मा नन्दराज गिरी, वडा नम्बर ३ मा जंगवीर रोकाया,वडा नम्बर ४ मा जुल्फे रोकाया, वडा नम्बर ८ मा केशब बहादुर शाहीले जितेका छन् ।
यस्तै वडा नम्बर ५ नेपाली काँग्रेसका छत्रबहादुर मल्ल र वडा नम्बर ७ मा अशोकबहादुर दानी,वडा नम्बर ९ मानबहादुर रावत सहितको सिंगो प्यानल विजयी भएको बुढीनन्दा नगरपालिकाका निर्वाचन अधिकृत गोकर्णप्रसाद उपाध्यायले जानकारी दिएका छन् ।
उनले दिएको जानकारी अनुसार वडा नम्बर ६ को मत गण्ना भइरहेको बताएका छन् । मतगणना आज मध्यराति सम्म सकिने बताए । नगरपालिकाको वडा नम्बर ६ वडाको मत गणना भइरहेको छ । भने वडा नम्बर १० मतगणना हुन बाकी रहेको छ ।
