141 पटक पढिएको
बाजुराः जिल्लाको पुर्वी उत्तरी भेगमा पर्ने जगन्नाथ गाँउपालिकाका सबै वडाहरुमा ४ जी र फोन सेवामा समस्या हुाँदा स्थानियहरु मर्कामा परेको बताउछन ।
केहि समय अगाडी गाँउपालिकामा इन्टरनेट र फोन सेवा राम्ररी चलेको भएता पनि गाँउपालिकाको वडा नंं. ४ काँडाकाेटमा नमस्तेको टावर निर्माण भए पछि फोन र इन्टरनेट सेवा अवरुद्ध भएको वडा नं. १ का देवेन्द्र बिष्टले गुनासो गरेका छन ।
बिगतका दिनमा फोन सेवा र इन्टरनेट सेवा राम्ररी चलेको भएता पनि उक्त ठाँउमा फोर जी सेवा जडान गर्दा हाल पुरै गाँउपालिका संचार सेवाबाट बञ्चित भएकोले गाँउपालिकाका हरेक सूचना र समाचार आदान प्रदानमा निकै नै समस्या परेको स्थानियहरुको दुखेसो रहेको छ । यस विषयमा नेपाल टेलिकम बाजुराका लेखापाल मान बहादुर रोकायालाई सोध्दा नयाँ नेटवर्कको जडान भए पछि केहि ठाँउमा इन्टरनेट र फोन सेवा राम्ररी संचालन भएको भएता पनि केही ठाँउहरुमा संचार सेवामा आएको समस्या चाँडै समाधान हुने बताउनु भएको छ ।
प्रतिक्रिया
सम्बन्धित खवर
