369 पटक पढिएको
धनगढीः सुदूरपश्चिमाञ्चल विश्वविद्यालयको दोस्रो दीक्षान्त समारोहमामा सहभागी हुन प्रधानमन्त्री शेरबहादुर देउवा शुक्रबार कञ्चनपुर आउँदै छन् । विश्वविद्यालयका कुलपति समेत रहेका देउवा आज हुने समारोहमा सरिक हुनका लागि कञ्चनपुर आइरहेका हुन् । उनी बिहान साढे १० बजे कञ्चनपुर आइपुग्ने बताइएको छ ।
विश्वविद्यालयका तीन सयभन्दा बढी विद्यार्थी दीक्षित हुन लागेका सुदूरपश्चिमाञ्चल विश्वविद्यालयले जनाएको छ । समारोहमा शिक्षामन्त्री लगायतको सहभागिता रहनेछ । समारोहमा कुमाउ विश्वविद्यालयका कुलपति प्रो एसके जोशी पनि आउने बताइएको छ ।
त्यसैगरी सो समारोहमा ‘ग्रेस लिस्ट’मा रहेका एक हजार ५५८ विद्यार्थी दीक्षित हुनेछन् । विश्वविद्यालयका सूचना अधिकारी सन्तोष विष्टले दोस्रो दीक्षान्त समारोह विश्वविद्यालयको केन्द्रीय कार्यालयमा हुने बताए ।
