486 पटक पढिएको
बाजुरा– कोल्टीबाट मार्तडी आँउदै गरेको जिप कोल्टी नजिकै खोलामा दुर्घटना हुँदा ९ जना घाइते भएका छन । यात्रु बोकेर मार्तडी आँउदै गरेको जिप बिहिबार दिउसो दुर्घटनामा परेको हो । कोल्टीबाट मार्तडीका लागि आउदै गरेकोे कर्णाली प्रदेश ०२००१ ज ००५७ नम्वरको जीप बुढीनन्दा न.पा. ५ तारुखोला नजिक दुर्घटना भएको खबर प्राप्त भएको छ ।
जिप दुर्घटनामा ६ जना यात्रुहहरु द्धाइते भएका छन भने दुर्घटनामा मृत्यू भने नभएको कोल्टीबाट पत्रकार शर्पलाल गीरीले जानकारी दिनु भएको छ । घाइतेहरुमा बुढीनन्दा नगरपालिका वडा नम्बर १० की ३५ बर्षिया सुकिली वोहरा, बुढीनन्दा नगरपादिलका वडा नम्बर ९ का २७ बर्षिया हिक्मत सार्की, बुढीनन्दा नगरपादिलका वडा नम्बर ६ की ३५ बर्षिया पेमा लामा, हिमाली गाँउपालिका वडा नम्बर ४ की ३५ बािर्षया सुलोचना जैशी, जगन्नाथ गाँउपालिका वडा नम्बर ४ का ३५ बर्षका राजु भण्डारी र जगन्नाथ गाँउपालिका वडा नम्बर ४ कै ६० बर्षिया बृद्ध पदम बहादुर भण्डारी रहेको जिल्ला प्रहरी कार्यालय बाजुराले जनाएको छ ।
घाइते ९ जना मध्ये सुकिली वोहराको अवस्था गम्भिरि भएको सबै घाईतेहरुको स्वास्थ्य उपचार कोल्टी प्राथमिक स्वास्थ्य चौकीमा भैरहेको जिल्ला प्रहरी कार्यालय बाजुराका प्रहरी निरिक्षक गीन्द्र बोगटीले जानकारी दिनु भएको छ । जिप चालक समेत घाइते अवस्थामा रहेको वताइएको छ । जिप चालक कालिकोट स्थायी निवासी रहेका छन । जिप के कसरी दुर्घटना भएको हो भन्ने वारे थप जानकारी आउन बाँकी रहेको र घटनाको बारेमा अनुसन्धान भैरहेको प्रहरीले जनाएको छ ।
