282 पटक पढिएको
बाजुरा–दुर्गा भन्जन गुल्म थापाथली ब्यारेक बाजुराले एक बर्षमा करिब १५ सय बिरुवा रोपण गरेको छ । आर्थिक बर्ष ०७९र८० मा १५ सय बिरुवा रोपण गरिएको दुर्गा भन्जन गुल्मका सेनानी दिवाकर खड्काले बताएका छन । शुक्रवार पनि दुर्गाभन्जन गुल्म बाजुराले वृक्षारोपणको एक कार्यक्रमको आयोजना गरि टिमुर लगायतका बिभिन्न फलफुलका बिरुवा रोपेको गुल्मपती खड्काले बताएका छन् ।उक्त वृक्षारोपण कार्यक्रममा एक सय बोट टिमुर, पचास वटा अम्बा रोपेको गुल्मपती खड्काले बताए । त्यस्तै पचास बोट किम्बु र पचास बोट रिठ्ठा गरि जम्मा ३ सय बिरुवा रोपेका छन ।
दुर्गा भन्जन गुल्मको आयोजनामा र वन डिभिजन कार्यालय बाजुराको सहयोगमा वृक्षारोपण कार्यक्रम गरिएको डिभिजन वन कार्यालय बाजुराका प्रमुख भोजराज पाठकले बताए ।वृक्षारोपण कार्यक्रममा प्रमुख जिल्ला अधिकारी पुस्कर खड्का, गुल्मका गुल्मपति दिवाकर खड्का, अन्य सुरक्षा निकायका प्रमुखहरु तथा एनसिसि क्याडेट र नेपाली सेनालगायत दुई सय जना बढिको सहभागीहरुले ब्यारेक परिसरमा वृक्षारोपण कार्य गरिएको गुल्मपति खड्काले बताएका छन ।गुल्मको आयोजानामा र डिभिजन वन कार्यालय बाजुराको सहयोगमा वृक्षारोपण गरिएको गुल्मले जनाएको छ ।
