292 पटक पढिएको
बाजुरा बडिमालिका नगरपालिकाका प्रमुख प्रशासकीय अधिकृत रंगमल विक माथि नगरपालिकाकै कार्यालय सहयोगीबाट गालीगलोज भएको छ । असार १० गते बसेको नगरसभामा नास्ता खुवाउने विषयलाई लिएर विवाद हुँदा गालीगलौज गरेको कुरा वाहिर आएको हो ।
नगरसभामा नास्ता खुवाउनका लागि अघिल्लो दिन नै असार ९ गते २५ हजारको बोका काट्ने कुरा भएको थियो । कार्यकारी अधिकृतले २५ हजार सम्मको बोका ल्याउन कार्यालय सहयोगी खडक रानालाई जिम्मा दिएका थिए । तर, कार्यालय सहयोगीले ६० हजारको बोका ल्याए । प्रशासकीय अधिकृतले महँगो भयो भन्ने प्रश्न गर्दा उल्टै गालीमा कार्यालय सहयोगी उत्रिएको बताइएको छ ।नगरपालिकाको १३ औं नगरसभामा प्रशासकीय अधिकृत माथी अपशब्द प्रयोग गर्दै कार्यालय सहयोगी राना लगायत अन्य व्यक्तीहरुले ज्यान मार्ने धम्की का साथै टाउको काटेर चुलोमा हालिदिने जस्ता शब्द प्रयोग गरीएको बताइएकाे छ । पटक पटक प्रमुख प्रशासकीय अधिकृतलाई ज्यान मार्ने धम्की र गाली गलोजको ओहिरो खनिए तापनि यता नगर प्रमुख अमर खड्काले भने बेवास्ता गरेको बताइएको छ ।आफुलाई सधै कसैले गाली कसलै ज्यान मार्ने धम्कि दिईरहँदा पनि नगरपालिकाले भने कुनै बास्ता नगरेको प्रमुख प्रशाशकिय अधिकृत बिकले बताएका छन ।
