217 पटक पढिएको
बाजुरा पाण्डुसैन स्वास्थ चौकीमा आज बाट ल्याप सेवा संचालनमा आएको छ । बुढीनन्दा नगर पालिकाका वडा नम्बर ७,८,९ र १० लाई लक्षित गरेर स्वास्थ चौकीमा ल्याब सेवा संचालनमा ल्याएको नगर प्रमुख जनक कुमार बोहराले बताउनु भएको छ । सामान्य रगत ,पिसाब र खकार चेक गर्न ४ घन्टा हिडेर कोल्टी पुग्नु पर्ने समस्य हटेको बुढिनन्दा नगर पालिका वडा नम्बर आठका स्थानीय धन बहादुर रोकायले बताउनु भएको छ ।
आज ल्याब उद्घाटन कार्यक्रममा बोल्दै नगर प्रमुख बोहराले आफुले चुनावमा बोलेका बाचा हरु विस्तारै पूरा गर्दै गएको वताउदै अझै सुखी र खुसी नगर बनाउन आफू दिन रात नभनी लागि रहेको जानकारी दिनु भएको छ । आज एक औपचारिक कार्यक्रमका विच ल्याबको उद्घाटन गरिएको हो । वडा नम्बर आठका वडा अध्यक्ष तथा पाण्डुसैनका अध्यक्ष केशब शाहिको अध्यक्षतामा संचालन भएको कार्यक्रमको प्रमुख अतिथि नगर प्रमुख जनक कुमार बोहरा रहनु भएको थियोे ।
वडा नम्बर तिनका वडा अध्यक्ष तथा प्रबक्ता जङविर रोकाया,वडा नम्बर ६ का वडा अध्यक्ष गजेन्द्र ब शाही ,निमित्त प्रमुख प्रशासकीय अधिकृत शन्तोस ,कार्यपालिका सदस्य जनक भन्डारी ,नेपाली काङ्ग्रेसका युवा नेता शिव बोहोरा,स्वास्थ्य शाखा प्रमुख ओमजङ्ग शाही लगायत अतिथि रहनु भएको कार्यक्रममा स्थानीयको उपस्तिथि रहेको थियो । नगर पालिकाको नीति तथा कार्यक्रममा नै ल्याब संचालनमा भनिएको र सोही अनुरुप ल्याब संचालनमा ल्याएको स्वास्थ्य शाखा प्रमुख ओम जङ्ग शाहिले बताउनु भएको छ । दुई जना ल्याप असिस्टेन्ट सहित आज बाट ल्याप सुचारु भएको नगरपालिकाले जानकारी दिएको छ ।
