398 पटक पढिएको
बाजुराः बिश्व हिन्दु युवासंघ,बाजुराले जिल्ला प्रशाशन कार्यालयलाई ज्ञापनपत्र बुझाएको छ । गौमाता भनेर पुज्ने हिन्दुहरुले गौमाताको धरान उपमहानगरपालिकामा खुलेआम हत्या भएको विषयमा विश्व हिन्दु युवा संघ बाजुराले पनि बिरोध जनाउदै जिल्ला प्रशाशन समक्ष ज्ञापन पत्र बुझाइएको छ । गौमाताको नियोजित रुपमा हत्या भएको भन्दै विश्व हिन्दु युवासंघ बाजुरा शाखाले प्रेस वक्तव्य जारी गर्दै बिरोध जनाएको हो ।
सहायक प्रमुख जिल्ला अधिकारी मार्फत नेपाल सरकारको ध्यानाकर्षण समेत गराएको छ । सोमवार विश्व हिन्दु युवा संघ बाजुराका उपाअध्यक्ष बल बहादुर बोहराको नेतृत्वको टोली जिल्ला प्रशासन कार्यालयमा पुगी सहायक प्रमुख जिल्ला अधिकारीलाई ज्ञापन पत्र समेत बुझाएका छन्।
राष्ट्रिय जनावर गाईलाई पाल्दै गहुँत गोबर समेत पुजा आजा गरि दुग्धजन्य खानेकुराका लागि समेत पवित्र र आध्यात्मिक र साास्कृतिक तथा सामाजिक मान्यता रहेको भन्दै युवासंघ बाजुरा शाखाले गौहत्यामा संलग्न व्यक्तिलाई कारबाही गर्नुपर्ने माग गरेको छ । नेपालको कानुन बिपरित गौहत्या गरिएको प्रति विश्व हिन्दु युवा संघ बाजुराको गम्भिर ध्यानाकर्षण भएको युवा संघले ज्ञापन पत्र मार्फत भनेको छ ।
वातावरण खलल पुर्याउने गरी भइरहेको गतिबिधि तत्काल नियन्त्रण गरी दोषिलाई कारबाही गर्न समेत माग गरेको छ । देशभर आन्दोलन जारी रहेकाले बाजुरामा पनि दोषि उपर कारबाही नभएसम्म आन्दोलन जारी रहने विश्व हिन्दु युवा संघ बाजुराका उपाअध्यक्ष बल बहादुर बोहराले बताएका छन् । आजदेखी बाजुरामा पनि आन्दोलनका चरणहरु सुरु भएको बताउदै थप आन्दोलनका चरणहरु अगाडी बढाइने पनि उनले बताएका छन । बिश्व हिन्दु युवासंघ बाजुराका उपाअध्यक्ष बल बहादुर बोहरा,सहसचिव मिनबहादुर खड्का,सदस्य बल्देब पाण्डे,गोबिन्द्र राज तिमिल्सेना लगायत अन्य ब्यक्ति बिद्यार्थी नेता बल बहादुर खड्का,कबिता तिमिल्सेना लगायतको संयुक्त टोलीले सहायक प्रमुख जिल्ला अधिकारी समक्ष ज्ञापनपत्र बुझाएका छन
