306 पटक पढिएको
बाजुराः बडिमालिका नगरपालिकाकाले नगपालिकाको नँया प्रमुख प्रशाशकिय अधिकृतको रुपमा देबेन्द्र देवकोटालाई स्वागत गरेको छ । यस अघिका प्रमुख प्रशासकीय अधिकृत रंगमल विकको ठाउँमा उपसचिव देवेन्द्र देवकोटा आएका छन् । नयाँ हाजिर भएका प्रमुख प्रशासकीय अधिकृत देवकोटालाई नगर प्रमुख,उपप्रमुख,नगर प्रबक्ता, लगायत जनप्रतिनिधीको टोलीले स्वागत गरेको छ ।
हिजोबाटै काम गर्न सुरु गर्ने जिम्मेवारी सहीत प्रमुख प्रशासकीय अधिकृतले हाजिर लगाएको नगर प्रवक्ता धर्मराज पाध्यायले बताएका छन् । नगपालिकाले देवकोटालाई स्वागत गरेको छ । शाखा अधिकृत रंगमल विकले लामो समयदेखि प्रमुख प्रशासकीय अधिकृतको जिम्मेवारी निर्वाह गर्दै आएका थिए । देवकोटाको हाजिरीसँगै विक पुरानै शिक्षा शाखाको प्रमुखको जिम्मेवारीमा फर्किएका छन् ।
नयाँ जिम्मेवारी सहीत आएका प्रमुख प्रशासकीय अधिकृत देवकोटाले जनताको कामलाई जनप्रतिनिधीसँगको सहकार्यमा चुस्तदुरुस्त पार्दै लैजाने बताएका छन् । नगर बासीको विकासको आकाक्षा र जनप्रतिनिधीको योजना अनुसारको कामलाई प्रभावकारी बनाउन आफू प्रतिवद्ध भएर काम गर्ने बताएका छन् ।प्रमुख प्रसासकिय अधिकृतको रुपमा आएका देवकोटालाई नगरप्रमुख अमर खड्का, उपप्रमुख नन्दा कुमारी थापा, नगर प्रबक्ता धर्मराज पाध्याय,शिक्षा शाखा अधिकृत रंगमल विक लगायत जनप्रतिनिधि र अन्य कर्मचारीको टिमले देवकोटालाई बधाई दिनुका साथै सफल कार्यकालको शुभकाममना दिएका थिए ।
