267 पटक पढिएको
बाजुराः जिल्लाको जगन्नाथ गाउँपलिका वड नं ३ का स्थानीयले तत्काल वडा कार्यालय निर्माण गर्न माग गर्दै स्थानीय द्वारा वडा कार्यालयमा तालाबन्दी गरेका छन् । आइतबार दिउँसो वडा स्थानीयले तत्काल वडा कार्यालय सबैको पाएक पर्ने ठाउँमा बनाउन माग सहित हाल सेवा प्रदान गर्दै आएको वडा कार्यालयमा तालाबन्दी गरेका हुन् ।
अहिले सम्म वडा कार्यालयनिर्माण नभएको र निर्माण गरेपनि मनिकाँडा टोल साविकको गोत्री वडालाई पाएक नपर्ने ठाउँमा बनाउने भन्ने हल्ला सुनिएको प्रति स्थानीय आक्रोसित भएर वडा कार्यालयमा तालाबन्दी गरेको स्थानीयले बताएका छन् । वडा कार्यालय बनाउदा सबै वडा वासिको पाएक पर्ने ठाउँमा निर्माण गर्नुपर्ने माग स्थानीयको छ । वडाका जनताको जनअपेक्षा भन्दा बाहिर गएर आफ्नो अनुकुल ठाउँमा वडा कार्यालय बनाउने तयारी भएपछि त्यसको बिरोध स्थानीयले गरेका छन् ।आफ्ना मागहरू पूरा गर्नुपर्ने माग मनिकाँडा टोल वासिका स्थानीयको छ । बाजुरा जिल्लाका अधिकांस वडाका भवनहरु निर्माण भएका छैनन् । आफ्नो वडा कार्यालयको भवन निर्माण नहुँदा भाडामा भवन लिएर सेवा प्रदान हुँदै आएका छन् ।
