333 पटक पढिएको
बझाङः भूकम्पका कारण बझाङमा ६ जना घाइते भएका छन् । आज मङ्गलवार दिउँसो चैनपुर केन्द्रविन्दु भएर आएको भूकम्पका कारण ६ जना घाइते भएका जिल्ला प्रहरी कार्यालय बझाङले जनाएको छ ।
सत्यवादी मावि भोपुरका चार विद्यार्थीसहित पाँच जना र केदारस्युँ गाउँपालिकाका एक जना गरी छ जना घाइते भएका जिल्ला प्रहरी कार्यालयका प्रहरी निरीक्षक इन्स्पेक्टर दिपेश चौधरिले जानकारी दिनुभयो । घाइतेहरूको जिल्ला अस्पतालमा उपचार भइरहेको छ ।
भूकम्पका कारण पहिरो गएपछि जयपृथ्वी राजमार्ग अवरुद्ध भएको प्रहरीले जनाएको छ । राजमार्गका ठाउँठाउँमा पहिरो जाँदा गाडी आवतजावत रोकिएको छ । भूकम्पको विस्तृत विवरण आउन बाँकी छ
