71 पटक पढिएको
बाजुराः भुकम्प पिडितहरुको घरमा यसपालीको दशैमा पहिलो बर्ष झै खुसीयाली छाउन सकेको छैन। जिल्लाको खप्तड छेडेदह गाउँपालिका लगायत अन्य पालिकाका भुकम्प पिडितको लागी यसपालीको दशै सपना मात्रै भएको छ । बझाङको तलकोट केन्द्र विन्दु बनाएर आएको भुकम्पले गर्दा खप्तड छेडेदह गाउँपालिका लगायत अन्य पालिकाका कयौ ठाँउहरुमा ठुलो धनजनको क्षेती पुर्याएको हुँदा भुकम्पबाट प्रभावित परिवारमा दशैको रौनक भने देखिदैन किनभने उनिहरु आफै समस्यामा परेका छन । भुकम्पले बढी खप्तड छेडेदहमा क्षेती गरेको थियो त्यसैले त्यहाँका करिब ९ सय ९० घरका परिवारमा दशै दशा सरह बनेको छ । १६ गते यता पटकपटक गएको भुकम्पले सबै भन्दा बढी खप्तड छेडेदह गाउँपालिकामा क्षेती गरेको छ ।
त्यस्तै गौमुलमा ,२५, त्रिवेणीमा १ सय १०, बडीमालिकामा १ सय १४,बुढीगंगा नगरपालिकामा १ सय २६ गरि १२ सय ५१ घरमा भुकम्पले पुर्ण क्षति गरेको छ । यि परिवारका नागरिकलाई दशै टाढाको कुरा हो खानको लागी समेत गाँसको ब्यबस्था पनि छैन स्थानिय सरकारले केहि राहत गरेर अलि समस्या टरेको पिडितहरु बताउछन । तर दशै भने खुसीयाली नभई निराशामा परिणत भएको उनिहरु बताउछन । जिल्लाको सबै भन्दा बढी प्रभावित भएको खप्तड छेडेदह गाउँपालिकामा गर्भवती महिला १ सय ४१, सुत्केरी आमा ७८, ५ वर्ष मुनिका बालबालिका २ हजार ३ सय ७८, अपांग १ सय ७६, जना भुकम्पबाट प्रभावित भएकाछन ।
त्यसैले यो बर्षको दशै भुकम्प पिडित परिवारका नागरिकलाई दशा सरह बनेको छ । पटकपटक परकाम्पन अझै आइरहेका हुँदा फेरी कति जोखिम बढाउने हो भनेर भुकम्प पिडितहरु चिन्तामा रात कटाउन बाध्य धएका छन । चाडवाडको बेला पनि भुकम्पले सताईदिदा सबै परिवार संगै मिलेर खाने बस्ने आशा मरेको भुकम्प पिडितहरुले बताउने गरेका छन । दशै जस्तो महान चाडपर्वमा पनि खुला ठाँउमा पाल टाँगेर बस्नु पर्ने बाध्यता, जाडोले सताउदा पनि मन थामेर बस्नुपर्ने बाध्यता यसपालीको दशैमा सिर्जना भएको भुकम्प पिडितहरुले बताएका छन ।
