166 पटक पढिएको
बाजुरा–जिल्लाको बुढिगंगा नगरपालिका ९ र १० का विपन्न तथा भुकम्प पिडीतलाई खाद्यान्न सामाग्री वितरण गरिएको छ । बडीमालिका फाउन्डेसनको आयोजना र नेपाल हिल्फ आखनको सहयोगमा उक्त राहत सामाग्री वितरण गरिएको बताइएको छ । दुबै वडाका करिब ६५ घर परिवारलाई चामल, नुन, दाल सावुन वितरण गरिएको वडा नम्बर ९ का वडा अध्यक्ष मिन बहादुर सिंहले वताएका छन् ।
विपन्न तथा भुकम्प पिडित परिवारलाइ दशै मनाउन सहज होस् भन्ने उदेश्यले उनीहरुलाई राहत सामाग्री वितरण गरिएको हो । विपन्न तथा गरिव परिवारले दशै र तिहारमा खानामा समस्या नहोस भनेर खाद्यन्न सहयोग गरिएको हो । छरछिमेकी सरह दशै राम्रो होस भनेर वडाका विपन्न नागरिकलाई खाद्यान्न, सहयोग गरिएको बताइएको छ ।चरम खाद्यन्न संकट भएको बेला राहत पाउदा ठुलो सहयोग भएको बुढिगंगा नगरपालिकाका बिपन्न तथा भुकम्प पिडितहरुले बताएका छन । नेपालीहरुको महान चाड बिजयादशमी तथा शुभदिपावलीको अवसरमा खाद्यान्न बितरण गरेकोमा भुकम्प पिडितहरुले खुसी हुँदै धन्याद समेत दिएका छन ।
