50 पटक पढिएको
बाजुराः बडीमालिका नगरपालिका वडा नम्वर ९ स्थित चौराटामा रहेको मष्टेश्वरी आधारभुत विद्यालयमा अध्ययनरत विद्यार्थीहरुलाई न्यानो लुगा वितरण गरिएको छ ।चिसो मौषमलाई मध्येनजर गर्दै विद्यालयमा अध्ययनरत सम्पूर्ण ८८ जना विद्यार्थी र ९ जना शिक्षकलाई चिसो छल्न न्यानो लुगा वितरण गरिएको विद्यालय व्यवस्थापन समिति अध्यक्ष विनोद कुमार विकले बताएका छन् ।विद्यालयमा अध्ययनरत विद्यार्थीहरुलाई लक्षित गरी सोही वडा निवासी गोरख विकको व्यक्तिगत १ लाख बरावरको न्यानो लुगा वितरण गरिएको हो । चौराटाँ घरभई १९ वर्षदेखि नेपाली सेनामा कार्यरत रहेका गोरख विकले विद्यालयमा अध्ययनरत विद्यार्थी र शिक्षकलाई चिसो छल्न न्यानो लुगा सहयोग गरेको विद्यालयका प्रधानाध्यापक भक्त बहादुर विष्टले बताएका छन् ।
विद्यार्थीहरुलाई लुगा वितरण गर्दै सहयोगी दाता स्थानीय गोरख विकले भने आफुले अध्ययन गरेको विद्यालयमा यसरी केही राहत स्वरुप चिसो छल्न न्यानो लुगा वितरण गर्न पाउँदा खुसी भएको बताएका छन् । उनले आगामी दिनमा समेत यो विद्यालयलाई सहयोग गर्ने प्रतिवद्धता समेत व्यक्त गरेका छन् ।
त्यस्तै चौराटा सरकारी कर्मचारी संजालको तर्फबाट समुदायमा समाजसेवीको भुमिका निर्वाह गरि खानेपानी क्षेत्रमा योगदान पुगाएको भन्दै स्थानीय विनोद कुमार विकलाई दोसल्लासहित सम्मान पत्र मार्फत सम्मान गरिएको छ ।आज एक औपचारिक कार्यक्रमका बीच विद्यालयमा अध्ययनरत विद्यार्थी र शिक्षकलाई न्यानो लुगा वितरण तथा विजया दशमीको अवसरमा साँस्कृतिक कार्यक्रमको समेत आयोजना गरिएको थियो ।
