122 पटक पढिएको
धनगढीः ढकमक्क फुलेका सयपत्री र मखमलीले तिहार घर आँगनमै आइसकेको संकेत गर्छ। धेरै मानिसका घर, आँगन र बारीमा अहिले ढकमक्क फूल फूलिरहेका छन्। फूलहरुको पर्व तिहार नजिकिँदै जाँदा व्यावसायिक रुपमा फूल खेती गरिरहेका कैलालीको धनगढीका किसानको व्यस्तता पनि बढेको छ।
तिहार नजिकिएसँगै एक दर्जन पूष्प व्यवसायी किसानको व्यस्तता बढेको छ। बारीमा फूलेका सयपत्री र मखमली फूलको रेखदेखमा उनीहरुले समय दिइरहेका छन्। धनगढीमा ११ महिनादेखि प्लाष्टिकको फूल र प्लाष्टिकमा उपमहानगरले प्रतिबन्ध लगाएपछि त्यसको बजार स्थानीय उत्पादनले लिन थालेको छ। धनगढीमा प्लाष्टिकका झोला पोलिथिन समेत विक्रीवितरण गर्न प्रतिबन्ध छ।
तिहारमा यस वर्ष फूल अभाव नहुने गरी दर्जनौ किसान फुल उत्पादनमा लागेका छन्। स्थानीय किसानले धनगढीमा सयपत्री फूल उत्पादन गरेका छन्। फूल उत्पादनमा धनगढीलाई आत्मनिर्भर बनाउने योजना अनुसार दुई दर्जन बढी किसानले फूल खेती सुरु गरेका छन्। यो वर्ष दुई कट्ठामा फूल खेती गरेका धनगढी–१२ जुगेडाका प्रतापसिंह बिष्टले अर्को वर्षबाट दुई बिघा जग्गामा फूलखेती गर्ने योजना बनाएका छन्।
प्रतिक्रिया
सम्बन्धित खवर
