86 पटक पढिएको
बाजुरा —बाजुरामा राष्ट्रिय परिचय पत्र वितरण गर्ने कार्य सुरु गरिएकाे छ । बुधबारबाट जिल्ला प्रशासन कार्यालय बाजुराले अनलाईन मार्फत फारम भरेका नागरिकहरुलाई छापिएर आएका राष्ट्रिय परिचय पत्र वितरण कार्य सुरु गरेको हो ।
२०७७ सालमा जिल्ला प्रशासन कार्यालयबाटै अनलाइन मार्फत फारम भरेका नागरिकहरूलाई ३ वर्षपछि छापिएर आएको राष्ट्रिय परिचय पत्र वितरण गर्न सूरु गरिएको जिल्ला प्रशासन कार्यालय बाजुराले जनाएको छ ।
आज प्रमुख जिल्ला अधिकारी भिमकान्त पौडेलले अनलाईन मार्फत फाराम भरेका गौमुल गाउँपालिकाका कलक धामीलाई राष्ट्रिय परिचय पत्र प्रदान गरेर वितरण कार्यको सूरुवात गरेका छन ।
अनलाइन मार्फत फारम भरेका ३४ हजार मध्ये १३ हजार ५ सय जनाको राष्ट्रिय परिचय पत्र छापिएर आएको जिल्ला प्रशासन कार्यालय बाजुराले जनाएकाे छ ।
राष्ट्रिय परिचय पत्रका लागि तिन बर्ष फर्म परेकाे र अहिले जिल्लाबाटै लिन पाउँदा याँहाका नागरिकहरु खुसी भएका छन । अनलाइन मार्फत परिचय पत्रका लागि फाराम भरेकाहरुलाई प्रशासनमा आएर आफ्नो परिचय पत्र लिन जिल्ला प्रशासन कार्यालय बाजुराले आग्रह गरेको छ ।
