345 पटक पढिएको
बाजुरा — जिल्ला सदरमुकाम मार्तडीमा रहेको जेवि मिडिया प्रालिको आठौं वार्षिकोत्सव सम्पन्न भएको छ । २०७२ साल माघ १० गते सदरमुकाम मार्तडीमा स्थापना भएको जे.वि मिडियाको बार्षिकोत्सव सम्पन्न भएको छ । बार्षिकोत्सवको अवसरमा प्रालिले खुला डवल व्याडमिन्टन प्रतियोगिता आयोजना गरेर स्थापना मनाईएको हो ।स्थापना दिवसको अवसरमा १० गतेबाट खुला डवल व्याडमिन्टन प्रतियोगिताको आयोजना गरिएको थियो । प्रतियोगितामा १४ टिम सहभागि भएका थिए । खेल क्षेत्रमा युवाको आकर्षण बढाउन र खेल मार्फत नियमित रुपमा स्वास्थ्यलाई तन्दुरुस्त बनाउन प्रालिले आफ्नै कवर्डहलमा प्रतियोगिताको आयोजना गरेको थियो ।
४ दिनसम्म संचालन गरिएको खुला डवल व्याडमिन्टन प्रतियोगितामा प्रथम डम्वर दानी र हेम थापा भएका थिए । त्यस्तै द्धित्तिय रामबहादुर दानी र अशोक ओली भएका थिए ।प्रतियोगितामा प्रथम भएका दानी र थापाको टिमलाई २० हजार बराबरको व्याडमिन्टन, कक, प्रमाणपत्र मेडलसहित ट्रफी प्रदान गरिएको थियो । भने द्धित्तिय भएकादानी र ओलीको टिमलाई १५ हजार बराबरको व्याडमिन्टन, कक, प्रमाणपत्र र मेडल प्रदान गरिएको थियो ।बाजुराको सदरमुकाम मार्तडीमा विगत ८ वर्ष देखि छपाई सम्वन्धिका सम्पुर्ण सेवा प्रदान गर्दै आएको जेवि मिडिया प्रालिले प्रत्येक वर्ष स्थापना दिवसको अवसरमा खेलकुदका गतिविधिहरु संचालन गर्दै आईरहेको छ ।
प्रालिले व्यवसायमार्फत नाफा कमाउन मात्र नभई व्यवसायबाट आम्दानी भएको श्रोतको केही प्रतिशत लगानी समाजका लागि खर्चिने प्रालिका कार्यकारी निर्देशक झरेन्द्र ओलीले बताएका छन् ।प्रतियोगिताको समापन कार्यक्रम प्रालिको आफ्नै नवनिर्मित कवर्डहलमा गरेको थियो । प्रमुख जिल्ला अधिकारी भिमकान्त पौडेलको प्रमुख आतिथ्यतामा गरिएको समापन कार्यक्रमको संचालन अनेरास्ववियुका जिल्ला अध्यक्ष दिलबहादुर थापा भोटेले गरेका थिए ।
