बाजुरा: जिल्ला सदरमुकाम मार्तडीमा रहेको बडिमालिका नगरपालिकामा करिब १ महिनाको लामो अन्तराल पछि नयाँ प्रमुख प्रशासकिय अधिकृत आउनु भएको छ । जसमा बडिमालिकाको अधिकृतको रुपमा बमबहादुर केसी आउनु भएको नगरपालिकाले जनाएको छ । केसी दैलेखको नारायण नगरपालिकाबाट सरुवा भएर सदरमुकाम मार्तडीमा रहेको बडिमालिका नगरपालिका आउनु भएको हो ।

करिब एक महिना देखी बडिमालिका प्रशासकिय अधिकृत विहिन रहेको थियो । नगरपालिकामा केसी मंगलबार हाजिर भई कार्यालयको कार्यभार समाल्नु भएको नगर प्रबक्ता धर्म राज पाध्यायले जानकारी दिनुभएको छ। । अधिकृतले हिजो नै मंगलबार हाजिर भएर प्रमुख प्रशासकीय अधिकृतको जिम्मेवारी लिई सक्नुभएको प्रबक्ता पाध्याको भनाइ रहेको छ । अधिकृत केसी लाई हिजो नै नरपालिकाले भब्य स्वागत गरेको छ । नगरपालिकाका कर्मचारी लगायत अन्य ब्यक्तिहरुले फुल माला लगाएर सफल कार्यकाल को समेत शुभकामना दिएका हुन्।

नगरपालिकाका तत्कालिन प्रमुख प्रसाशकीय अधिकृत देविन्द्र सापकोटा सर्लाही सरुवा भएपछी दैलेखको नारायण नगरपालिकाबाट सरुवा भएर केसी आएका हुन् । नगरपालिकामा हाजिर भएका प्रमुख प्रशासकीय अधिकृत बमबहादुर केसीले कार्यभार सम्हाल्दै जनताका काम कर्तव्य प्रती सधै लाग्ने निस्वार्थ तरिकाले काम गर्ने पनि बताउनु भयो ।बुधबारबाट नगरपालिको आर्थिक,प्रशासनिक तथा अन्य सेवा प्रवाहहरु संचालन भईसकेको नगरपालिकाले जानकारी दिएको छ ।