बाजुरा: बाजुरामा आगामी वर्ष सञ्चालन हुने १५ औं राष्ट्रिपति रनिङ शिल्ड प्रतियोगिता बुढीगंगा नगरपालिकामा हुने भएको छ । आज बुढीनन्दा नगरपालिकामा सम्पन्न १४ औं राष्ट्रिपति रनिङ शिल्ड प्रतियोगितामा उपाध्यक्ष माया कुँवरले ओलम्पीक झण्डा उठाउँदै १५ औं राष्ट्रिपति रनिङ शिल्ड प्रतियोगिता बुढीगंगामा सञ्चालन हुने बताउनुभएको हो । यस अघि सदरमुकाम मार्तडीमा हुदै आएको जिल्ला स्तरीय प्रतियोगिता गत वर्ष खप्तड छेडेदह गाउँपालिका र यस वर्ष बुढीनन्दा नगरपालिकामा सम्पन्न भएको छ ।

गत शोमवार देखि सञ्चालित प्रतियोगिताको आईतवार समापन कार्यक्रममा बोल्दै बुढीगंगा नगरपालिकाकी उपाध्यक्ष कवँरले आगामी वर्ष २०८१ सालमा आफ्नो पालिकामा प्रतियोगिता सञ्चालन हुने दावि गर्नुभयो । जिल्लाका नौं वटा पालिकाका प्रमुख तथा उपप्रमुख, अध्यक्ष तथा उपाध्यक्ष सम्मिलित कार्यक्रममा बोल्दैं उहाँले अब आफ्नो पालिकामा प्रतियोगिता सञ्चालन गर्ने बताउनुभएको हो । आज समापन कार्यक्रममा ओलम्पीक झण्डा उठाउँदै आफ्नो पालिकामा प्रतियोगिता सञ्चालन हुने र यसलाई सभ्य, भब्य र मर्यादित बनाउन सवै सरोकारवाला निकायको सहयोगको अपेक्षा रहेको बताउनुभयो ।

कोल्टीमा पहिलो पटक सञ्चालित प्रतियोगिता शान्त र मर्यादीत तरीकाले समापन भएको भन्दै उहाँले अव आफ्नो पालिकामा सञ्चालन हुने १५ औं राष्ट्रिपति रनिङ शिल्ड सम्पन्नका लागि सवैको साथ सहयोग र सपोर्ट रहने बताउनुभएको छ । अर्काे वर्ष बुढीगंगा नगरपालिकामा प्रतियोगिता सञ्चालनका लागि स्थान छनोट गरी उपाध्यक्ष कवँरलाई जिल्ला खेलकुद समिति बाजुराका अध्यक्ष राकेश थापाले ओलम्पीक झण्डा प्रदान गर्नुभएको छ ।